Kartvelio

Kartvelio (GE)
Ĉefurbo	Tbiliso
Lingvo	Kartvela
Monunuo	Lario

Kartvelio (kartvele: საქართველო Sakartvelo) estas lando en Kaŭkazo ĉe la Nigra maro. Ĝi najbaras kun Turkio, Rusio, Azerbajĝano kaj Armenio. Ĝi estas riĉa je malnova arkitekturo kaj imponaj montaraj pejzaĝoj.

Urboj

Mcĥeta

• Tbiliso – la ĉefurbo kaj plej granda urbo, vizitenda pro siaj multaj historiaj monumentoj kaj malnova centro
• Kutaiso – antikva urbo, la dua plej granda en la lando, ĉefurbo de Imeretio
• Batumo – la plej turisma marborda urbo de Kartvelio
• Mcĥeta – malgranda urbo apud Tbiliso, iama ĉefurbo de Kartvelio, vizitinda pro elstaraj historiaj monumentoj
• Borĝomi — fama pro sia minerala akvo, ĝi troviĝas en nacia parko
• Stepancminda – ankaŭ konata sub sia malnova nomo Kazgebi, ĝi troviĝas ĉe la piedo de la monto Kazbeg kaj havas la faman preĝejon de Sankta Triunuo
• Mestia — la malgranda ĉefurbo de Svanetio, alta montara regiono kaj monda heredaĵo de Unesko
• Gori — urbo konata kiel la denaska urbo de Stalin
• Aĥalciĥe

Komprenu

Eniri

La civitanoj de verdaj landoj ne bezonas vizon por eniri Kartvelion.

Vizo ne necesas por civitanoj de Usono, Kanado, Brazilo, Aŭstralio, ĉiuj landoj de Eŭropo (krom Norda Makedonio, por kiu necesas elektronika vizo akirebla rete) kaj eksa Sovetunio ne bezonas vizon por eniri Kartvelion.

Abĥazio kaj Suda Osetio estas memdeklaritaj memstaraj landoj: kvankam Kartvelio konsideras ilin kartvelaj teritorioj kaj plej multaj landoj ne agnoskas ilin, la kartvela registaro ne regas tiujn regionojn. Vi ne povos eniri ilin de Kartvelio kaj bezonos specialan vizon.

Eniri avie

La du ĉefaj internaciaj flughavenoj estas tiuj de Tbiliso kaj Kutaiso. La tbilisa flughaveno estas la plej granda, sed la kutaisa populariĝas danke al Wizz Air, kiu ofertas flugojn al multaj eŭropaj urboj.

Transportiĝi

Publika transporto

Komuniki

La nacia lingvo de Kartvelio estas la kartvela, senrilata kun iu ajn lingvo en la mondo (krom tri malplimultaj lingvoj de Kartvelio kaj Turkio – la megrela, laza kaj svana) kaj kun unika alfabeto. Aliaj lingvoj estas parolataj de etnaj malplimultoj, ekz. la armena, azerbajĝana, abĥaza, oseta.

Plej multaj homoj, kiuj kreskis en Sovetunio, parolas iugrade la rusan. Se vi scipovas la rusan, vi senprobleme interkompreniĝos kun homoj el tiu generacio (multaj eĉ alparolos vin ruse, se vi aspektos kiel turisto). La pli junaj generacio pli ofte scipovas la anglan ol la rusan.

Aĉeti

La valuto de Kartvelio estas lario (ლარი, lari), dividita en 100 tetri (თეთრი, laŭvorte “blanka”).

Manĝi

Tradiciaj manĝaĵoj

Ĥinkali

Kartvela kuirarto estas riĉa kaj diversa. La plej tipaj manĝaĵoj estas:

• ĥinkali (ხინკალი), granda pastaĵo farĉita kutime per viando (sed ekzistas ankaŭ terpomaj kaj fungaj versioj);
• ĥaĉapuri (ხაჭაპური), pano plenigita per fromaĝo;
• ĉurĉĥela (ჩურჩხელა), dolĉaĵo konsistanta el nuksoj sur fadeno trempita en miksaĵon de vinberoj kaj faruno.

Trinki

Alkoholaĵoj

Kartvelio havas tre malnovan vinan tradicion: oni jam produktis vinon en tiu regiono antaŭ 7000 jaroj.

Ĉaĉa (ჭაჭა) estas hejmfarita vinbera brando.

Loĝi

Esperanto

Viziti plu

• Armenio
• Azerbajĝano