Cottbus

Cottbus (Neder-Sorbies: Chóśebuz [ˈxɨɕɛbus] Chöshebuss) is die tweede grootste stad in die Duitse deelstaat Brandenburg ná die hoofstad Potsdam. Langs Potsdam, Brandenburg an der Havel en Frankfurt (Oder) is Cottbus een van die vier plaaslike sentrums van die deelstaat Brandenburg en het die status van 'n selfregerende stad. Alhoewel net 'n klein minderheid van Cottbus se bevolking Sorbiessprekendes is, word Cottbus as die politieke en kulturele sentrum van die Sorbe in die Neder-Lausitzstreek beskou. Dit is ook die grootste amptelik tweetalige stad in die Bondsrepubliek Duitsland.

Cottbus Chóśebuz
Kaart	Wapen
	Vlag
Land	Duitsland
Deelstaat	Brandenburg
Koördinate	51°46′N 14°20′O
Stigting (eerste verwysing)	30 November 1156
Stadstatus	Tussen 1216 en 1225
Oppervlakte:
- Totaal	165,15 vk km
Hoogte bo seevlak	75 m
Bevolking:
- Totaal (31 Desember 2018)	100 219
- Bevolkingsdigtheid	607/vk km
Tydsone	UTC +1 (MET)
- Somertyd	UTC +2 (MEST)
Klimaat
- Tipe	Gematigde klimaat
- Gemiddelde jaarlikse temperatuur	8,9 °C
- Gem. temp. Januarie/Julie	-0,8 / 18,4 °C
- Gemiddelde jaarlikse neerslag	565 mm
Burgemeester	Holger Kelch (CDU)
Amptelike Webwerf	cottbus.de

Tweetalige padteken in Cottbus

Nadat bruinkool-oopgroefmynbou oos van Cottbus gestaak is, ontstaan hier die grootste kunsmatige meer in Duitsland, die Cottbusser Ostsee, met 'n oppervlakte van 1900 hektaar, en 'n jaghawe

Kunstmuseum Dieselkraftwerk Cottbus. Die vroeëre dieselkragsentrale, wat in 1928 in bedryf gestel is, is - net soos tientalle ander kragsentrales in Berlyn en Brandenburg - deur die argitek Werner Issel (1884–1974) ontwerp. Nadat dit in 1959 buite bedryf gestel is, dien dit sedert 2008 as die deelstaat Brandenburg se enigste museum vir eietydse kuns

Met sy industrialisering en die begin van die bruinkoolmynbou in die 19de eeu het Cottbus tot 'n beduidende nywerheidstad gegroei. Vandag is die stad aan die rand van die Spreewald-bosgebied ook 'n belangrike kulturele en opvoedkundige sentrum met 'n universiteit, 'n staatsteater en uitgestrekte parke.

Eksterne skakels

• Wikimedia Commons het meer media in die kategorie Cottbus.

	Selfregerende stede en distrikte van Brandenburg
Selfregerende stede Brandenburg an der Havel • Cottbus • Frankfurt (Oder) • Potsdam Distrikte Barnim • Dahme-Spreewald • Elbe-Elster • Havelland • Märkisch-Oderland • Oberhavel • Oberspreewald-Lausitz • Oder-Spree • Ostprignitz-Ruppin • Potsdam-Mittelmark • Prignitz • Spree-Neiße • Teltow-Fläming • Uckermark