De jure
De jure is 'n uitdrukking wat beteken "volgens die wet" in teenstelling met de facto wat "volgens die feite" beteken. De jure moet nie verwar word met die Frans du jour nie wat "van die dag" beteken, soos in soupe du jour (sop van die dag).
Die term de jure en de facto word gebruik in plaas van "in beginsel" en "volgens gebruik" respektiewelik wanneer politieke situasies beskryf word. 'n Gebruik mag de facto bestaan, waar mense 'n kontrak gehoorsaam asof deur 'n wet afgedwing word al bestaan daar nie só 'n wet nie. 'n Proses wat bekend staan as "desuetude" word gebruik om daarvoor voorsiening te maak dat de facto gebruike verouderde wette vervang. Die ander sy van die saak is dat daar gebruike de jure mag bestaan, maar wat nie deur mense in die algemeen gehoorsaam word nie.