Görlitz
Görlitz (Duits: ; Gerlz, Gerltz of Gerltsch in die plaaslike Bo-Lausitz-dialek; Pools: Zgorzelec; Opper-Sorbies: Zhorjelc) is die mees oostelike stad van Duitsland en die administratiewe setel van die gelyknamige landdistrik in die deelstaat Sakse. Die stad het 'n oppervlakte van 67,52 vierkante kilometer en 'n bevolking van 56 391 (soos op 31 Desember 2017).
|
Görlitz | |
|---|---|
| Kaart | Wapen |
 | |
 | |
| Vlag | |
 | |
| Land |  Duitsland
|
| Deelstaat |  Sakse
|
| Koördinate | 51°9′N 14°59′O / 51.150°N 14.983°O |
| Stigting (eerste verwysing) | 1071 |
| Stadstatus | 1303 |
| Oppervlakte: | |
| - Totaal | 67,52 vk km |
| Hoogte bo seevlak | 199 m |
| Bevolking: | |
| - Totaal (31 Desember 2017) | 56 391[1] |
| - Bevolkingsdigtheid | 834/vk km |
| Tydsone | UTC +1 (MET) |
| - Somertyd | UTC +2 (MEST) |
| Klimaat | |
| - Tipe | Gematigde klimaat[2] |
| - Gemiddelde jaarlikse temperatuur | 8,2 °C |
| - Gem. temp. Januarie/Julie | -1,5 / 17,3 °C |
| - Gemiddelde jaarlikse neerslag | 657 mm |
| Burgemeester | Octavian Ursu (CDU) |
| Amptelike Webwerf | www.goerlitz.de |
Die stad is in die oostelike Bo-Lausitz aan die Lausitzer Neiße-rivier geleë wat hier sedert 1945 die grens met Pole vorm. Die stadsdeel oos van die Neiße is met die grensverskuiwing ná die Tweede Wêreldoorlog van Görlitz afgesny en vorm sedertdien 'n selfstandige Poolse nedersetting, Zgorzelec. Görlitz en Zgorzelec vorm sedert 1998 'n sogenaamde Europastad.
Görlitz gaan terug op 'n Sorbiese dorp, Gorelic, en 'n latere nedersetting wat in 1220 deur Duitse setlaars gestig is. Die stad is gedurende die Tweede Wêreldoorlog nouliks deur die oorlogshandelinge geraak. Met sowat 3 500 grotendeels gerestoureerde historiese monumente het Görlitz een van die bes bewaarde oorspronklike stadskerne in Duitsland en vorm sodoende die grootste nasionale argitektoniese monument. Sy boukuns sluit laat-Gotiese, Renaissance- en Barok-burgerhuise in die historiese middestad en uitgestrekte woonkwartiere in die sogenaamde Gründerzeit-styl (laat 19de eeu) rondom die stadskern in.
Verwysings
wysig- ↑ (de) Statistik Sachsen
- ↑ (de) www.klimadiagramme.de – Görlitz
Eksterne skakels
wysig
Wikimedia Commons het meer media in die kategorie Görlitz.- (en) Toerisme-inligting oor Görlitz op Wikivoyage
- (de) Amptelike webwerf
- (en) "Görlitz". Encyclopædia Britannica. Besoek op 19 Junie 2019.
