Galileo-ruimtesending
Galileo was 'n Amerikaanse ruimtetuig wat die planeet Jupiter en sy mane en ander liggame van die Sonnestelsel bestudeer het. Dit is genoem na die Italiaanse sterrekundige Galileo Galilei en het bestaan uit 'n wentel- en atmosferiese ondersoektuig. Die tuie het op 7 Desember 1995 by Jupiter aangekom ná verbyvlugte van Venus en die Aarde vir 'n swaartekragslinger. Dit was die eerste ruimtetuig wat in 'n wentelbaan om Jupiter gegaan het.
Die Jet Propulsion Laboratory het die Galileo gebou en die Galileo-program vir Nasa bestuur. Toe dit gelanseer is, het die wentel- en ondersoektuig saam 'n massa van 2 562 kg gehad en was hulle 6,15 m hoog.
Ondersoektuig
wysigDie atmosferiese ondersoektuig[1] het 339 kg geweeg en was 86 cm hoog.[2] Die wetenskaplike instrumente is deur die tuig se hitteskild teen uiterse hitte en druk beskerm terwyl dit teen sowat 48 km/s in Jupiter se atmosfeer ingevlieg het.[3] Die temperatuur het tot sowat 16 000 °C gestyg.[4]
Dit het die atmosfeer 150 km ver binnegedring en 57,6 minute lank data versamel voordat die sein verloor is.[5] Dit het daarna gesmelt en waarskynlik verdamp.
Sending
wysigGalileo het sewe jaar om Jupiter gewentel en verskeie kere by al sy mane van Galilei en Amaltea verbygevlieg. Dit het ook in 1994 die botsing van komeet Shoemaker-Levy 9 teen Jupiter waargeneem, en was in die ideale posisie om dit te sien.
Ondanks probleme met die antenne[6] het Galileo sowat 14 000 foto's geneem. Dit het Jupiter bestudeer van Desember 1995 tot September 2003 en het in dié tyd 'n skat van nuwe inligting versamel. Data het onthul waterstof maak sowat 90% van Jupiter se atmosfeer uit.[7] Die tuig het eindelik, nes die verkenningstuig, verdamp.[7]
Verwysings
wysig- ↑ "Hughes Science/Scope Press Release and Advertisement". Flightglobal. Geargiveer vanaf die oorspronklike op 12 Januarie 2012. Besoek op 15 Mei 2011.
- ↑ "Galileo Jupiter Arrival" (PDF) (Press Kit). NASA\Jet Propulsion Laboratory. Desember 1995.
- ↑ Isbell, Douglas; Morse, David (22 Januarie 1996). "Galileo Probe Science Results". JPL. Besoek op 4 Maart 2016.
- ↑ "In Depth | Galileo Probe". NASA Solar System Exploration.
- ↑ Magalhães, Julio (10 Desember 1996). "Galileo Probe Mission Events". NASA Space Projects Division. Geargiveer vanaf die oorspronklike op 2 Januarie 2007. Besoek op 2 Februarie 2007.
- ↑ McConnell, Shannon (14 April 2003). "Galileo: Journey to Jupiter". NASA/JPL. Geargiveer vanaf die oorspronklike op 3 November 2004. Besoek op 28 November 2006.
- ↑ 7,0 7,1 How the Universe Works 3. Vol. Jupiter: Destroyer or Savior?. Discovery Channel. 2014.
Skakels
wysig
Wikimedia Commons het meer media in die kategorie Galileo-ruimtesending.
Hierdie artikel is in sy geheel of gedeeltelik uit die Engelse Wikipedia vertaal.
