Gewone tarentaal

Die gewone tarentaal (Numida meleagris) is die bekendste van die tarentaalfamilie, Numididae. Dit is 'n waaksame voël wat in troppe rondloop en goed kan vlieg, maar hulle sal eerder weghardloop as om weg te vlieg.

Gewone tarentaal
In die Nasionale Krugerwildtuin
Roepe van gedomestiseerde henne
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Galliformes
Familie:	Numididae
Genus:	Numida Linnaeus, 1766
Spesie:	N. meleagris
Binomiale naam
Numida meleagris Linnaeus, 1758
Natuurlike verspreiding in groen aangedui. Ingevoer na Wes-Kaap en elders.

Verspreiding

'n Trop gewone tarentale by Chudopwatergat, Nasionale Etoshawildtuin, Namibië. Let op fratagtige neusklappies, digte veervlekke en sterk helmkromming by hierdie ras.

Die gewone tarentaal se eiers.

Die tarentaal is 'n algemene jagvoël en kom wyd verspreid in Afrika suid van die Sahara en Suid-Afrika voor. Hulle word tussen digte bosse vanaf die Oos-Kaap noordwaarts aangetref. 'n Verwante spesie, die kuifkoptarentaal, is 'n tropiese bewoner van KwaZulu-Natal en die Krugerwildtuin. Daar is ook populasies in die Wes-Indies en die suide van beide Frankryk en Engeland.

Tarentaalvleis is ook nou vrylik beskikbaar in Britse supermarkte en word deur Gressingham Foods versprei. Die tarentale wat nou kommersieel verkrygbaar is, word grotendeels in Engeland geteel.

Voorkoms

Die amper kaal nek en plomp, wit-gespikkelde lyf op swart-grys vere is goed bekend in Suid-Afrika. Dit is 'n groot (60–68 cm) voël met 'n ronde liggaam en 'n klein kop.

Dieet

Tarentale eet sade, wurms en insekte in bosagtige streke.

Ander name

Van die streeksname vir die voël sluit in: bankrotvoël, kewerkonstabel, bylkop, poelpetaat, droëkopvoël en belhoender.

• Afrikaanse naam: Tarentaal
• Wetenskaplike naam: Numida meleagris
• Engelse naam: Helmeted guineafowl
• Nederlandse naam: Parelhoen
• Portugese naam: Galinha-d'angola

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (gegroepeer)
• Lys van Suider-Afrikaanse voëls volgens wetenskaplike name

Bronne

• Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.

Eksterne skakels

• Wikimedia Commons het meer media in die kategorie Gewone tarentaal.

• Wikispecies het meer inligting verwant aan Gewone tarentaal