Horoskoop
'n Horoskoop is 'n astrologiese kaart of diagram wat die posisie van die son, maan, planete, astrologiese aspekte en sensitiewe hoeke verteenwoordig met die tyd van 'n gebeurtenis, soos 'n mens se geboorte. Die woord is afgelei van die Griekse woorde ōra, "tyd", en scopos, "waarnemer". Dit is ook bekend as 'n geboortekaart, astrologiese kaart, lugkaart, kaartwiel of bloot kaart.
Die kaart vorm die basis van astrologiese voorspellings. In koerante en tydskrift is daar dikwels 'n astrologiese rubriek[1] wat berus op die son se invloed op 'n mens se geboortemaand (sy "sterreteken"), gebaseer op die tropiese diereriem.[2] Omdat astrologie veronderstel is om die stand van hemelliggame in 12 huise in ag te neem, en nie net dié van die son nie, is dié soort voorspellings 'n eensydige aspek wat net 1⁄12 van die totale kaart verteenwoordig.
Chinese astrologie toon 'n nou verband met Chinese filosofie (die teorie van die drie harmonieë: hemel, aarde en mens) en die gebruik van begrippe soos jin en jang, die Vyf fases, die 10 Hemelstamme, die 12 Aardtakke en shichen, 'n manier van tydhouding vir godsdienstige doeleindes). Die vroeë gebruik van Chinese astrologie was hoofsaaklik beperk tot politieke astrologie, die waaneming van ongewone verskynsels, die identifikasie van voorbodes en die keuse van gunstige dae vir gebeure en besluite.[3]:22,85,176
In Hindoe-astrologie word geboortekaarte kundali genoem en is dit na bewering geskoei op die beweging van die sterre en maan. Belangrike gebeurtenisse soos troues vind plaas nadat 'n mens se kundali geraadpleeg is.
Daar is geen wetenskaplike studies wat die akkuraatheid van astrologie bevestig nie, en die metodes om voorspellings te maak word beskou as 'n skynwetenskap.[4][5][6]
Verwysings
wysig- ↑ Gourarie, Chava (3 Maart 2016). "Why are horoscopes and media a match?". Columbia Journalism Review (in Engels). Geargiveer vanaf die oorspronklike op 6 Desember 2022. Besoek op 11 April 2022.
- ↑ "How Horoscopes Work". 29 Januarie 2005. Geargiveer vanaf die oorspronklike op 6 Mei 2009. Besoek op 27 Februarie 2008.
- ↑ Sun, Xiaochun; Kistemaker, Jacob (1997). The Chinese Sky during the Han. Bibcode:1997csdh.book.....S. doi:10.1163/9789004488755. ISBN 978-90-04-10737-3.
{{cite book}}:|journal=ignored (hulp) - ↑ Thagard, Paul R. (1978). "Why Astrology is a Pseudoscience" (PDF). Proceedings of the Biennial Meeting of the Philosophy of Science Association. The University of Chicago Press. 1 (1): 223–234. doi:10.1086/psaprocbienmeetp.1978.1.192639. JSTOR 192639. S2CID 147050929. Geargiveer (PDF) vanaf die oorspronklike op 9 Oktober 2022.
- ↑ Astrology. Encyclopædia Britannica. Geargiveer vanaf die oorspronklike op 8 Mei 2015. Besoek op 23 Junie 2022.
- ↑ Sven Ove Hansson, Edward N. Zalta "Science and Pseudo-Science". Stanford Encyclopedia of Philosophy.
Skakels
wysig
Wikimedia Commons het meer media in die kategorie Horoskoop.
Hierdie artikel is in sy geheel of gedeeltelik uit die Engelse Wikipedia vertaal.
