Islamitiese Staat
Die Islamitiese Staat in Irak en die Levant (ISIL), ook soms die Islamitiese Staat in Irak en Sirië (ISIS) of slegs die Islamitiese Staat (IS) genoem, is 'n djihadiese militêre groep en 'n voorheen selfbenoemde staat oor dele van Sirië en Irak. Die gebied waar ISIS aktief is, het vroeër die Levant geheet. ISIS streef na 'n kalifaat, 'n staat wat deur 'n kalief, dit wil sê 'n opvolger van die Islamitiese profeet Mohammed, regeer word. Die oorspronklike Islamitiese kalifaat is in 1924 ontbind toe die Ottomaanse Ryk ontbind is.
| |||||
| Nasionale leuse: باقية وتتمدد Bāqiyah wa-Tatamaddad (Arabies vir: "Oorblywend en uitbreiding")[1][2] | |||||
| Volkslied: geen | |||||
| |||||
| Hoofstad | Ar-Raqqah, Sirië (de facto)[3][4] | ||||
| Grootste stad | Ar-Raqqah | ||||
| Amptelike tale | Arabies | ||||
| Regering • Selfverklaarde kalief
|
kalifaat "Ibrahim" Abu Bakr al-Baghdadi[5][6] | ||||
| Onafhanklikheid Vorming
• Islamitiese Staat verklaar • Kalifaat verklaar |
3 Januarie 2014[7][8] 29 Junie 2014 | ||||
| Oppervlakte - Totaal - Water (%) |
onbekend km2 | ||||
| Bevolking - -skatting - Digtheid |
onbekend ([[Lys van lande volgens bevolking|]]) / km2 | ||||
| Geldeenheid | onbekend (-)
| ||||
| Tydsone - Somertyd |
OAT (UTC+3) nie toegepas nie (UTC+3) | ||||
| Internet-TLD | geen | ||||
| Skakelkode | +geen | ||||
ISIS is in 1999 as 'n splintergroep van Al-Kaïda gestig na die omverwerping van Saddam Hoesein in Irak. Al-Kaïda het hom later van die groep gedistansieer omdat dit volgens hulle te ekstremisties is. Hulle pas sjaria-wette streng toe (kap diewe se hande af, lyfstraf vir mans wat drink en vroue sonder kopdoeke). Hulle het ook verskeie video's vrygestel waarin hulle joernaliste en ander gevangenes onthoof, soos van die onthoofding van 21 Koptiese Christene in Libië, 2015.
Die organisasie is deur die Verenigde Nasies, die Verenigde State van Amerika, die Verenigde Koninkryk en verskeie ander lande as 'n terroriste-organisasie verklaar. Volgens Amnestie Internasionaal is die groep skuldig aan etniese suiwering op 'n historiese skaal. Teen Junie 2014 het meer as een miljoen Irakiërs al as gevolg van ISIS se gewelddadige aanslag uit hulle huise gevlug.[9][10]
In Julie 2017 het die groep beheer oor sy grootste stad, Mosoel, aan die Irakse weermag afgestaan.[11] Na aanleiding van hierdie groot nederlaag het ISIL grondgebied aan die verskillende state en ander militêre magte wat daaraan gekoppel is, verloor, totdat dit teen November 2017 geen betekenisvolle grondgebied beheer het nie.[12] Amerikaanse militêre amptenare en gelyktydige militêre ontledings het in Desember 2017 gerapporteer dat die groep net 2 persent van die grondgebied wat hulle voorheen gehad het, behou het.[13] Op 10 Desember 2017 het Irak se eerste minister, Haider al-Abadi, gesê dat Irakse magte die laaste oorblyfsels van die Islamitiese staat van die land verdryf het, drie jaar nadat die militante groep omtrent 'n derde van die gebied van Irak beset het.[14] Teen 23 Maart 2019 het ISIL hul finale stukke beheerde gebied verloor en hul "tentstad" en gebiede in Al-Baghuz Fawqani aan die einde van die Slag van Baghuz Fawqani oorgegee.[15]
Verwysings
wysig- ↑ Hassan, Hassan (11 Junie 2014). "Political reform in Iraq will stem the rise of Islamists". The National (in Engels). Geargiveer vanaf die oorspronklike op 6 Februarie 2017. Besoek op 18 Junie 2014.
- ↑ Khatib, Lina (12 Junie 2014). "What the Takeover of Mosul Means for ISIS" (in Engels). Carnegie Endowment for International Peace. Geargiveer vanaf die oorspronklike op 4 Mei 2020. Besoek op 18 Junie 2014.
- ↑ "ISIS on offense in Iraq" (in Engels). Al-Monitor. 10 Junie 2014. Geargiveer vanaf die oorspronklike op 22 Junie 2019. Besoek op 11 Junie 2014.
- ↑ Kelley, Michael B. (20 Augustus 2014). "One Big Question Surrounds The Murder Of US Journalist James Foley By ISIS". Business Insider (in Engels). Geargiveer vanaf die oorspronklike op 9 Oktober 2019. Besoek op 20 Augustus 2014.
...the de facto ISIS capital of Raqqa, Syria...
- ↑ Rubin, Alissa J. (5 Julie 2014). "Militant Leader in Rare Appearance in Iraq". The New York Times (in Engels). Geargiveer vanaf die oorspronklike op 20 Maart 2020. Besoek op 6 Julie 2014.
- ↑ "ISIS Spokesman Declares Caliphate, Rebrands Group as Islamic State" (in Engels). SITE Institute. 29 Junie 2014. Geargiveer vanaf die oorspronklike op 4 Mei 2020. Besoek op 29 Junie 2014.
- ↑ "Iraqi City in Hands of Al-Qaida-Linked Militants" (in Engels). Voice of America. 4 Januarie 2014. Geargiveer vanaf die oorspronklike op 4 April 2016. Besoek op 16 Januarie 2014.
- ↑ "The Crisis in Iraq" (PDF) (in Engels). UMAA. 18 Junie 2014. Geargiveer vanaf die oorspronklike (PDF) op 3 September 2014. Besoek op 29 Augustus 2014.
- ↑ YouTube (20 Junie 2014). "1,000,000 Iraqis Have Fled Their Homes As ISIS Continues Armed Siege" (in Engels). Geargiveer vanaf die oorspronklike op 16 April 2019.
- ↑ Nederlandse Omroep Stichting (17 Junie 2014). "Miljoen Irakezen vluchten voor ISIS" (in Nederlands). Geargiveer vanaf die oorspronklike op 9 Oktober 2019.
- ↑ "PressTV-'US created, allowed regional funding of Daesh'" (in Engels). 11 Julie 2017. Geargiveer vanaf die oorspronklike op 15 Augustus 2017. Besoek op 26 Maart 2019.
- ↑ Russia's Syria Mirage Institute for Study of War website. By Matti Suomenaro, et al. 13 Augustus 2017. Besoek op 3 Maart 2018.
- ↑ FOX. "ISIS has lost 98 percent of its territory, officials say" (in Engels). Geargiveer vanaf die oorspronklike op 1 April 2019.
- ↑ "Islamic State completely 'evicted' from Iraq, Iraqi PM says". The Age (in Engels). 9 Desember 2017. Geargiveer vanaf die oorspronklike op 15 Mei 2020.
- ↑ Philip Issa, Andrea Rosa en Maya Alleruzzo, US-allied Syrian force declares victory over Islamic State, The Washington Post. 23 March 2019.