Jim Fouché

Jacobus Johannes (Jim) Fouché (Wepener, 6 Junie 1898 - Kaapstad, 23 September 1980) was die tweede staatspresident van Suid-Afrika, van 1968 tot 1975.

Jim Fouché
Adv. Jim Fouché in 1953
2de Staatspresident van Suid-Afrika
Ampstermyn 10 April 1968 – 9 April 1975
Eerste minister	John Vorster
Voorafgegaan deur	Tom Naudé (wnd.)
Opgevolg deur	Nicolaas Johannes Diederichs
Minister van Verdediging
Ampstermyn 14 Desember 1959 – 1 April 1966
Eerste minister	Hendrik Verwoerd
Voorafgegaan deur	Frans Erasmus
Opgevolg deur	Pieter Willem Botha
Persoonlike besonderhede
Gebore	6 Junie 1898 Wepener, Oranje-Vrystaat
Sterf	23 September 1980 (op 82) Kaapstad, Suid-Afrika
Politieke party	Nasionale Party
Eggenoot/-note	Letta McDonald
Kind(ers)	Jacobus Johannes
Religie	Nederduits Gereformeerd

Jim Fouché omstreeks 1959 toe hy administrateur van die Vrystaat was.

Fouché is gebore op Wepener in die Oranje-Vrystaat en was 'n suksesvolle boer. Hy was 'n stoere republikein en jare lange lid van die Nasionale Party.

Fouché het van 1954 tot 1959 as administrateur van die Oranje-Vrystaat in die Unie van Suid-Afrika gedien en is tot die kabinet bevorder toe hy in 1959 as minister van verdediging aangestel is. In 1966 het hy minister van landboutegniese dienste geword en van waterwese tot 1968. Hy is tot staatspresident verkies in die plek van dr. Eben Dönges, wat tevore verkies is, maar gesterf het voor hy die amp kon aanvaar. Hy het in die rol as seremoniële staatshoof gedien van 1968 tot 1975. Hy was die enigste staatspresident wat sy volle sewe jaar ampstermyn, wat voor 1984 gegeld het, voltooi het.

Fouché is met Letta McDonald getroud en hulle het 'n seun gehad, dr. Jacobus Johannes (Bux) Fouché, wat getrou het met Coreen Louw. Bux Fouché het as ambassadeur gedien in Den Haag, Nederland van 1965 - 1968. Hy is oorlede op 2 Oktober 1982, en laat sy vrou en twee seuns agter, Jacobus Johannes (Jimmy) Fouché en Jacobus Adriaan Louw (Koos) Fouché.

Jacobus Johannes (Jimmy) Fouché was getroud met Elsabé van Veen, en hulle kry drie kinders: Hanneline Fouché, Coreen Fouché en Bux Fouché. Jacobus Adriaan Louw (Koos) Fouché trou met Edé Janse van Rensburg en kry twee kinders: Jeanne Fouché en Jacobus Johannes (James) Fouché, 'n dokter in Utrecht, Nederland.

Voorafgegaan deur Tom Naudé (wnd.)	Staatspresident van Suid-Afrika 1968–1975	Opgevolg deur Nicolaas Johannes Diederichs
Voorafgegaan deur Frans Erasmus	Minister van Verdediging 1959–1966	Opgevolg deur Pieter Willem Botha