Mel Brooks
Mel Brooks (1926-) is ’n Amerikaanse akteur en rolprentregisseur. Hy is bekend vir sy komiese draaksteekflieks soos The Producers (1968), Blazing Saddles (1974) en High Anxiety (1978). Brooks is een van min kunstenaars wat 'n Oscar, Emmy, Tony en Grammy ontvang het.[1]
| Mel Brooks | |
| |
Brooks ontvang 'n ster op die Hollywood Walk of Fame, 23 April 2010
| |
| Geboortenaam | Melvin Kaminsky |
|---|---|
| Geboorte | 28 Junie 1926 Brooklyn, New York |
| Nasionaliteit | Verenigde State van Amerika |
| Beroep(e) | Akteur, filmregisseur, komediant |
| Aktiewe jare | 1949–nou |
| Internet-rolprentdatabasis-profiel | |
Vroeë lewe
wysig
Melvin Kaminsky is op 28 Julie 1926 in Brooklyn, New York van 'n Joods gesin gebore. Hy het tydens die Tweede Wêreldoorlog in die Amerikaanse Weermag gedien. Ná die oorlog was hy 'n stand-up-komediant en later 'n skrywer vir komedie-reekse, waarvan Your Show of Shows met Sid Caesar die bekendste is.[2]
Persoonlike lewe
wysigKaminsky was van 1953 tot 1962 met Florence Baum getroud. Hulle het drie kinders gehad: Stephanie, Nicky en Eddie.[3] Daarna was hy met die aktrise Anne Bancroft getroud (van 1964 tot haar dood aan baarmoederkanker op 6 Junie 2005).[4] Hulle het mekaar in 1961 op 'n repetisie vir die Perry Como Variety Show ontmoet en is drie jaar later getroud. Hul seun, Max Brooks, is in 1972 gebore. In 2010 het Brooks gesê dat Bancroft die dryfkrag agter sy betrokkenheid by die maak van The Producers en Young Frankenstein vir die musiekteater was.[5]
Hy ontvang sy eerste van vier Emmy-pryse in 1967 vir Uitstaande Skryfprestasie met 'n Sid Caesar-vertoning. Hy wen ook Emmys in 1997, 1998 en 1999 as Uitstaande Gasakteur in 'n Komedie-reeks vir die rol van Uncle Phil in Mad About You.
In 1968 is hy met 'n Oscar vir die draaiboek van The Producers bekroon.
In 1999 ontvang hy sy eerste Grammy vir Beste Gesproke Komedie-album vir die opname van The 2000 Year Old Man in the Year 2000 met Carl Reiner. Sy twee ander Grammys het hy in 2002 vir Beste Musiekblyspel-album vir die klankbaan van The Producers en vir Beste Lang Musiekvideo vir die DVD The Producers Recording – A Musical Romp with Mel Brooks ontvang.
Hy het drie Tony-pryse in 2001 gewen vir sy werk aan die musiekblyspel, The Producers, vir Beste Musiekblyspele, Beste Oorspronklike Musiekblyspele en Beste Boek van 'n Musiekblyspel.
Op 23 April 2010 is hy met 'n ster op die Hollywood Walk of Fame vereer.[6]
Filmografie (seleksie)
wysig- The Producers (1968) (regie, scenario)
- The Twelve Chairs (1970) (regie, scenario, akteur)
- Blazing Saddles (1974) (regie, scenario, akteur)
- Young Frankenstein (1974) (regie, scenario)
- Silent Movie (1976) (regie, scenario, akteur)
- High Anxiety (1977) (regie, produksie, scenario, akteur)
- The Elephant Man (film) (1980) (produksie)
- History of the World, Part I (1981) (regie, produksie, scenario, akteur)
- To Be or Not to Be (1983) (produksie, akteur)
- Spaceballs (1987) (regie, produksie, scenario, akteur)
- Look Who's Talking Too (1990) (stem)
- Life Stinks (1991) (regie, produksie, scenario, akteur)
- Robin Hood: Men in Tights (1993) (regie, produksie, scenario, akteur)
- The Little Rascals (1994) (akteur) – Mr. Welling
- Dracula: Dead and Loving It (1995) (regie, produksie, scenario)
- Robots (2005) (stem)
Verwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ "Mel Brooks Biography (1926-)" op Filmreference.com
- ↑ "Anne Bancroft and Mel Brooks Marriage" (in Engels). about.com. Geargiveer vanaf die oorspronklike op 21 November 2016. Besoek op 16 Mei 2013.
- ↑ Silverman, Stephen M. "Mel Brooks and Anne Bancroft Shared Love and Laughs" People, Mei 19, 2013
- ↑ Carucci, John (3 Maart 2010). "Brooks recalls Anne Bancroft as wife, collaborator". San Francisco Chronicle.
- ↑ "Mel Brooks gets Hollywood Walk of Fame star". MSN.[dooie skakel]
Eksterne skakels
wysig- Mel Brooks in die Internet-rolprentdatabasis
Wikimedia Commons het meer media in die kategorie Mel Brooks.
