Neferefre
Neferefre (ook bekend as Raneferef en onder die Hellenistiese naam Cheres volgens Manetho) was ’n Egiptiese farao van die 5de Dinastie tydens ’n tydperk bekend as die Ou Ryk. Sy naam beteken "Mooi is Ra".[2]
| Neferefre | ||||||||||||||||||||||||||||||||||||||||||||||||||||||||||||||||||||||||||||||||||||||
| Raneferef, Cheres | ||||||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||||||
| ’n Geverfde kalksteenstandbeeld van Neferefre. | ||||||||||||||||||||||||||||||||||||||||||||||||||||||||||||||||||||||||||||||||||||||
| Farao van die 5de Dinastie | ||||||||||||||||||||||||||||||||||||||||||||||||||||||||||||||||||||||||||||||||||||||
| Periode | 2460–2458 v.C.[1] | |||||||||||||||||||||||||||||||||||||||||||||||||||||||||||||||||||||||||||||||||||||
| Voorganger | Sjepseskare | |||||||||||||||||||||||||||||||||||||||||||||||||||||||||||||||||||||||||||||||||||||
| Opvolger | Nioeserre | |||||||||||||||||||||||||||||||||||||||||||||||||||||||||||||||||||||||||||||||||||||
| Vader | Neferirkare | |||||||||||||||||||||||||||||||||||||||||||||||||||||||||||||||||||||||||||||||||||||
| Moeder | Chentkaoes II | |||||||||||||||||||||||||||||||||||||||||||||||||||||||||||||||||||||||||||||||||||||
| Monumente | Piramide van Neferefre | |||||||||||||||||||||||||||||||||||||||||||||||||||||||||||||||||||||||||||||||||||||
| Neferefre in Egiptiese hiërogliewe | ||||||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||||||
Familie
wysigNeferefre was die seun van Neferirkare en sy vrou, koningin Chentkaoes II, en moontlik die broer van sy opvolger, Nioeserre. Dit is onbekend of Neferefre enige vroue of kinders gehad het.[3] ’n Kalksteenreliëfwerk by Aboesir bevestig dat hy as prins Ranefer bekend was voor sy troonbestyging.[4][5] Die verwantskap tussen hom en die familielid wat vir ’n kort ruk voor hom regeer het, Sjepseskare, is ook nie bekend nie. Die Egiptoloog Silke Roth meen hulle was broers.[6] Die Tsjeg Miroslav Verner glo egter Sjepseskare was Sahoere se seun en dus ’n oom van Neferefre.[7]
Bewind
wysig
Hoewel Manetho aandui dat Neferefre 20 jaar lank regeer het, word algemeen aanvaar dat sy bewind veel korter was na aanleiding van sy onvoltooide piramide. Die gedeeltelik beskadigde plek waar sy bewind in die Turynse Koningslys aangedui word, wys net een vertikale streep langs sy naam (elke streep dui ’n jaar aan). Dit sou ’n bewind van een tot twee jaar beteken, wat ooreenstem met die argeologiese bewyse. Volgens Verner lyk dit of die koning skielik dood is en die onvoltooide piramide vinnig omskep is in ’n vierkantige mastaba. Met die koning se dood was nie die grafkelder gebou of die fondament van die dodetempel gelê nie.[9]
Min is oor Neferefre bekend. Hoewel die naam van sy sontempel se naam bekend is (Hetep-Re),[10] is geen so ’n struktuur nog ontdek nie.
Piramidekompleks
wysigWeens die vroeë dood van Neferefre het sy opvolger die werk aan sy piramide by Aboesir haastig voltooi en het dit die vorm van ’n mastaba aangeneem. Anders as ander mastabas loop dit nie van noord na suid nie en is dit nie reghoekig nie, maar vierkantig. Dit is net 7 m hoog. Nes dié van ander farao's bevat die terrein meer as een piramide en Neferefre se piramides vorm ’n reguit lyn. Volgens artefakte wat op die terrein gevind is, is Neferefre se piramide ook bekend as "Goddelik is Neferefre se Mag".
Al die ander geboue in die kompleks is voltooi tydens Neferefre se broer, Nioeserre, se bewind. Tydens uitgrawings deur ’n Tsjeggiese span is papirusse, standbeelde van die koning, versierde borde en seelafdrukke gevind. Stukke van mummiebedekkings is ook ontdek en ’n ondersoek het getoon dit is Neferefre s 'n. Dit het ook gewys die koning is in sy vroeë twintigs dood; hy was tussen 20 en 23 jaar oud.[11] Dit verklaar sy kort bewind en sy onvoltooide piramide.
Verwysings
wysig- ↑ Shaw, Ian, red. (2000). The Oxford History of Ancient Egypt. Oxford University Press. p. 480. ISBN 0-19-815034-2.
- ↑ Peter Clayton, Chronicle of the Pharaohs, Thames and Hudson, sagteband, 2006. p.61
- ↑ A. Dodson, D. Hilton: The Complete Royal Families. pp. 64–69.
- ↑ M. Verner: Die Pyramiden. p. 338
- ↑ M. Verner: Un roi de la Ve dynastie. pp. 281–284.
- ↑ Silke Roth: Die Königsmütter des Alten Ägypten von der Frühzeit bis zum Ende der 12. Dynastie (= Ägypten und Altes Testament. volume 46). Harrassowitz, Wiesbaden 2001, ISBN 3-447-04368-7, p. 106.
- ↑ M. Verner: Who was Shepseskara. pp. 595–596.
- ↑ Miroslav Verner: Les Sculptures de Rêneferef decouvertes à Abousir, BIFAO 85, 1985
- ↑ Miroslav Verner, Archaeological Remarks on the 4th and 5th Dynasty Chronology, Archiv Orientální, Volume 69: 2001, p.400
- ↑ Neferefre by J. Dunn
- ↑ Verner, p.401
Eksterne skakels
wysig- Egiptiese konings – Neferefre
- Die Piramide van Neferefre
Wikimedia Commons het meer media in die kategorie Neferefre.
Hierdie artikel is vertaal uit die Engelse Wikipedia
