Lockerbie-bomaanval
| Pan Am-vlug 103 | |
|---|---|
| Datum: | 21 Desember 1988 |
| Oorsaak: | Bomaanval |
| Plek van ramp: | Lockerbie, Skotland, Verenigde Koninkryk |
| Sterftes: | 270 |
| Beserings: | 0 |
| Vliegtuigtipe: | Boeing 747-121 |
| Vliegtuig- stertnommer: | N739PA |
| Oorsprong: | Lughawe Frankfurt, Frankfurt am Main, Duitsland |
| Bestemming: | Detroit Metropolitaanse Wayne County Lughawe, Detroit, Verenigde State |
| Passasiers: | 243 |
| Bemanning: | 16 |
| Oorlewendes: | 0 |
Die Lockerbie-bomaanval was 'n terroriste-aanval op vlug 103 van die Amerikaanse lugredery, Pan Am wat op 21 Desember 1988 bokant die Skotse dorp Lockerbie plaasgevind het. Die vliegtuig was vanaf Frankfurt na New York Stad onderweg, maar het eers 'n tussenstop in Londen gemaak. Die bom ontplof in die suide van Skotland oor Lockerbie en al 243 passasiers en 16 bemanningslede is dood. Die wrakstukke val in 'n beboude gebied wat tot 'n verdere 11 ongevalle lei. 'n Totaal van 270 mense kom in die ramp om.
Die ondersoek het bevind dat die Libiese regering vir die aanval verantwoordelik is. Die Verenigde Nasies stel sanksies in wat handel met Libië verbied. In 2003 stem Libië in om vergoeding aan die families van die slagoffers te betaal.
Verskeie Suid-Afrikaanse politici, onder andere Pik Botha en Magnus Malan was aanvanklik op die vlug bespreek. Hulle was op pad na die VSA om oor vrede in Angola en Namibië te onderhandel. Die vlug is egter op kort kennisgewing gekanselleer en 'n regstreekse vlug is na Londen geneem. Dit het aanleiding gegee tot bespiegelinge dat hulle moontlik vooraf gewaarsku is, maar Botha het dit heftig ontken.[1][2]
Verwysings
wysig- ↑ SA betrokkenheid by lugramp 'absurd' [dooie skakel], Beeld, 8 Oktober 1996
- ↑ Pik Botha ontken heftig dat hy vooraf oor die Lockerbie-bom gewaarsku is. [dooie skakel], Beeld, 14 November 1994
Eksterne skakels
wysig
Wikimedia Commons het meer media in die kategorie Lockerbie-bomaanval.
