Watervaring
Die watervaring, (Salvinia molesta), is 'n drywende waterplant. Dit is in Engels bekend as die Giant salvinia of Kariba weed, laasgenoemde omdat dit 'n groot gedeelte van die Karibameer ingeneem het. Dit is 'n akwatiese varing, inheems aan suid-oostelike Brasilië.[1] Dit is 'n vrydrywende plant wat homself nie aan die bodem heg of in grond anker nie, maar wat instede drywend leef op die wateroppervlak. Die blare is 0.5-4cm lank en breed, met 'n stekelrige oppervlak, en word in pare geproduseer met 'n derde wortelagtige blaar wat in die water hang.
| Watervaring | |
|---|---|
| |
| Salvinia molesta op 'n kuiloppervlak | |
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | |
| Genus: | |
| Spesie: | S. molesta
|
| Binomiale naam | |
| Salvinia molesta D.Mitch.
| |
Die voortplanting is slegs ongeslagtelik, maar is in staat tot besonder vinnige vermeerdering, beginnend van klein fragmente met 'n verdubbeling in bevolkingsgrote in enkele dae. Die resultaat is dat die oppervlak van kuile, damme en mere bedek word deur 'n drywende mat 10-20cm (of in rare gevalle tot 60 cm) dik. Gevolglik word dit soms beskou as 'n indringerplant. Die digte plantmat blokkeer sonlig wat deur ander waterplante en veral alge benodig word om die water met suurstof te verryk.
'n Klein kalanderkewer, Cyrtobagous salviniae, wat in S. molesta se natuurlike habitat gevind word, word tans bestudeer as 'n middel vir biologiese plaagbestryding.
Bron
wysig- Everitt, J.H.; Lonard, R.L.; Little, C.R. (2007). Weeds in South Texas and Northern Mexico. Lubbock: Texas Tech University Press. ISBN 0-89672-614-2.
Verwysings
wysig- ↑ "argiefkopie". Geargiveer vanaf die oorspronklike op 9 Oktober 2008. Besoek op 3 Maart 2009.
Eksterne skakels
wysig- US Geological Survey: Giant Salvinia Geargiveer 17 Augustus 2005 op Wayback Machine
- Wildland Invasive Species Team – Weed alert Geargiveer 9 Oktober 2008 op Wayback Machine