Slag van Trenton

Die Slag van Trenton het op 26 Desember 1776 plaasgevind by Trenton, New Jersey, tydens die Amerikaanse Rewolusionêre Oorlog. Amerikaanse magte onder die leiding van George Washington het 'n deurslaggewende oorwinning behaal oor die Britse magte. Die oorwinning hier het gelei tot die oorwinning by Princeton en die uiteindelike onttrekking van die Britse Magte uit New Jersey.

Slag van Trenton
Deel van die Amerikaanse Rewolusionêre Oorlog
Slag van Trenton, deur H. Charles McBarron, Jr., 1975
Datum 26 Desember 1776 Ligging Trenton, New Jersey Resultaat Beslissende Amerikaanse oorwinning
Strydende partye
Verenigde State	Hesse-Kassel
Bevelvoerders
George Washington Nathanael Greene	Johann Rall (†)
Sterkte
2 400 soldate 18 kanonne	1 500 soldate 6 kanonne
Ongevalle
2 gesneuweldes (van blootstelling gedurende Maart) 5 gewonde Bykomende nie-geveg ongevalle waarskynlik	22 gesneuweldes 83 gewondes 900-1 000 gevangenes

Agtergrond

George Washington steek die Delawarerivier oor, skildery deur Emanuel Leutze in 1851.

Die Britse magte was Duitse huursoldate ook bekend as Hesse. Nadat die Britse magte New York Stad beset het gedurende September 1776 en na die Slag van White Plains het George Washington teruggeval na New Jersey. Ten spyte dat hy knaend lastig geval word deur die Britte en met sy troepe wat siek word of dros slaag hy tog daarin om die Delawarerivier oor te steek na Pennsylvanië gedurende Desember. Om dit te kon doen moes hy al die bote in die omgewing opgekommandeer het wat die Britte se agtervolging vertraag en gedwing het om winterkamp op te slaan in Trenton. Washington se probleem was dat baie van sy troepe se kontrakte verval aan die einde van die jaar. Hy was ook terdeë bewus dat Philadelphia in gevaar verkeer. Sy verkenners lig hom ook in dat die Hesse verspei was in Trenton met weinige verdedigingslinies.

Die aanval

Hy beplan 'n arrogante, uitdagende aanval op die Hesse. Hy verdeel sy troepe in drie dele met een groep wat die Hesse by Bordentown, suid van Trenton, moes aanval en 'n ander groep wat van die noorde moes aanval. Eersgenoemde was te laat om effektief te wees en die ander groep steek glad nie die rivier oor nie. Sy eie groep slaag egter daarin om Trenton te bereik vanaf die noorde. Hulle breek vinnig deur die heinings en verras die Hesse volkome in die oggendure van 26 Desember. Daar was 'n bietjie weerstand gebied deur die Hesse maar hulle gee egter gou oor. Washington neem 1000 van hulle gevangene en buit baie toerusting en voorraad. Die Amerikaanse troepe het moed geskep uit die oorwinning.

Bron

• Collier's Encyclopedia, Crowell-Collier Educational Corporation, Volume 22, Bladsy 467.