Björk
Björk Guðmundsdóttir (1965-) is 'n Yslandse sangeres, liedjieskrywer, komponis, aktrise en musiekregisseur. Sy maak in vele style musiek en span haar stem op allerhande ongewone maniere in.[1] Björk is al met 14 Grammys, twee Golden Globes (een vir toneelspel), asook 'n Oscar-prys bekroon.
Björk | |
|---|---|
 Björk by die Hurricane Festival in Duitsland in 2003 | |
| Agtergrondinligting | |
| Geboortenaam | Björk Guðmundsdóttir |
| Gebore | 21 November 1965 Reykjavík, Ysland |
| Oorsprong | Reykjavik, Ysland |
| Genres | Alternatiewe rock, elektronika, trip hop, Avant-garde musiek |
| Beroep(e) | Vokalis, musikant, komponis, liedjieskrywer, musiekregisseur, musiekprogrameerder, aktrise |
| Instrumente | Sangstukke, klawerbord, klavier, fluit |
| Jare aktief | 1977 — hede |
| Etikette | One Little Indian, Elektra, Atlantic, Polydor, Mother, Smekkleysa |
| Assosiasies | The Sugarcubes, Tappi Tíkarrass, KUKL, Spit and Snot, Exodus, Jam80 |
| Webwerf | bjork.com |
Björk is meestal bekend vir haar ekspressiewe sangstukke en haar belangstelling in uiteenlopende tipes musiek,[2] soos pop, alternatiewe rock, jazz, elektronika, klassiek sowel as volksmusiek. Sy word aan haar eksentrieke uitrustings uitgeken, onder andere haar beroemde/berugte swaanrok. Liedjies soos "It's Oh So Quiet", "Army of Me" en "Hyperballad" het al 'n posisie op die VK se top-10 treffersparade beklee.
Haar platemaatskappy, One Little Indian, het in 2003 berig dat sy al meer as 15 miljoen albums wêreldwyd verkoop het.[3] Dan is sy ook al 15de op VH1 se "The 100 Greatest Women in Rock and Roll" gelys[4] sowel as 8ste op MTV se "22 Greatest Voices in Music".
Beginjare
wysigBjörk is op 21 November 1965 gebore en in Reykjavík grootgemaak. Haar musiekloopbaan het op die ouderdom van 11 begin toe sy in die laerskool begin het om klassieke klavier te studeer. Een van Björk se leermeesters het 'n opname gemaak van hoe Björk Tina Charles se liedjie I Love to Love sing en dit aan RÚV gestuur, wat toe die enigste radiostasie in Ysland was. Die opname is landwyd uitgesaai en 'n verteenwoordiger van die platemaatskappy Fálkinn het dit gehoor en haar 'n platekontrak aangebied. Die album Björk is toe opgeneem en in 1997 vrygestel.
In haar tienerjare is Björk deur punk beïnvloed en op 14 het sy 'n meisies-punkgroep gestig, Spit and Snot, wat kort daarna in 1979 gevolg is deur die jazz fusion-groep Exodus. In 1980 het sy van die musiekskool gegradueer. In 1981 het sy en basspeler Jakob Magnússon nog 'n groep gestig, genaamd Jam-80, wat later verander het na Tappi Tíkarrass (wat beteken "Prop die Teef se Gat" in Yslands). In dieselfde jaar het hul ook 'n uitgebreide liedjie vrygestel, genaamd "Bítið Fast í Vítið". Hul volgende album Miranda is in 1983 vrygestel.
Daarna het Björk met Einar Örn Benediktsson en Einar Melax van Purrkur Pillnikk meegewerk, asook Guðlaugur Óttarsson, Sigtryggur Baldursson en Birgir Mogensen van Þeyr. Nadat hulle 'n paar liedjies geskryf en vir twee weke gerepeteer het, het hul nuwe groep KUKL ("towenary" in Yslands) 'n nuwe klank geskep wat as Gothic rock beskryf kan word. Björk het tekens begin wys van haar handelsmerk-sangstyl, wat 'n gegil en geskreeu insluit.
-KUKL- het saam met die VKse punkgroep Crass in Ysland getoer, en later die VK vir 'n reeks optredes saam met Flux of Pink Indians besoek. As 'n resultaat het hulle twee albums vrygestel: The Eye in 1984, en Holidays in Europe in 1986, albei onder Crass Records.
Die groep het uiteindelik opgebreek, deels as gevolg van die staking van hul uitgewer, Gramm. Middel 1986 het heelwat van die lede van KUKL en die groep Medusa saamgekom om Smekkleysa (Slegte smaak) te stig. Hulle het 'n musikale afdeling geskep, weereens genaamd KUKL, maar het later besluit om dit na The Sugarcubes te vernoem.
Verwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ Down time: BjorkThe Sunday Times, Robert Sandall, 23 Maart 2008
- ↑ Inside Björk DVD dokumentêr (2003). Documentary spanning Björk's musical career.
- ↑ "The Greatest: 100 Greatest Women of Rock & Roll (100 – 81) | VSPOT Video Clips, Photos, Episodes and Online Message Boards from the Reality TV Show | VH1.com". Geargiveer vanaf die oorspronklike op 6 Maart 2009. Besoek op 17 September 2008.
Eksterne skakels
wysig
Wikimedia Commons het meer media in die kategorie Björk.
