Carlton House

Carlton House was ’n woning in Londen en veral bekend as die tuiste van die prinsregent George, Prins van Wallis, vir verskeie dekades van 1783 af. Dit het ’n uitsig op die suidekant van Pall Mall gehad en sy tuine het aan Sint James-park gegrens. Twee blokke luukse huise, Carlton House Terrace, is nou op die terrein geleë.

Die vooraansig van Carlton House.

Die hooftrap, uit Pyne's Royal Residences (1819).

George het die bestaande huis tussen 1783 en 1796 laat herbou. Toe hy in 1820 koning George IV word, het hy dit as sy tuiste beskou omdat Sint James-paleis en Buckingham House nie aan sy behoeftes voldoen het nie. Hy het dit oorweeg om die huis verder te laat vergroot, maar eindelik is Buckingham House eerder herbou as Buckingham-paleis. Carlton House is in 1825 gesloop. Die meeste van die meubels en skilderye is na Buckingham-paleis geneem.

Eksterne skakels

• Carlton House at georgianindex.net Geargiveer 28 Junie 2007 op Wayback Machine

• Wikimedia Commons het meer media in die kategorie Carlton House.
• Hierdie artikel is vertaal uit die Engelse Wikipedia