Chabarofsk

Vir ’n artikel oor die krai met dieselfde naam, sien Chabarofsk-krai.

Chabarofsk (Russies: Хаба́ровск) is die hoofstad en grootste stad in Chabarofsk-krai, Rusland. Dit is sowat 30 km van die Chinese grens geleë en is die tweede grootste stad in die Russiese Verre-Ooste naas Wladiwostok. Die inwonertal is 601 043 (2014).

Chabarofsk Хабаровск
Stad
Die hoofstraat van Chabarofsk
Vlag Wapen
Chabarofsk Die ligging van Chabarofsk in Chabarofsk-krai
Koördinate: 48°29′N 135°04′O
Land	Rusland
Deelgebied	Chabarofsk-krai
Stigting	1858
Regering
• Tipe	Stadsraad
• Burgemeester	Aleksandr Sokolof
Bevolking
• Totaal	601 043
Tydsone	UTC+11:00
Webwerf	http://khabarovskadm.ru/

Die stad lê aan die samevloei van die Amoer- en Oessoeri-rivier, sowat 800 km noord van Wladiwostok en 8 523 km van Moskou.

Geskiedenis

Die Russiese ontdekkingsreisigers van die 1650's het ’n paar tydelike forte aan die Amoer gebou. Een van die eerstes is in September 1651 gebou deur Jerofei Chabarof. Daar word al lank oor die presiese ligging gedebatteer.

Nog ’n groot groep Kosakke onder Onoefri Stepanof het ná Chabarof gearriveer en was tot in 1658 aktief in die gebied. In dié jaar het Mantjoe-magte Stapanof naby die mond van die Soengari-rivier ontmoet en 270 Russe vermoor.

Ná die Verdrag van Nertsjinsk in 1689 het die gebied vir ’n eeu en ’n half deel van die Qing-dinastie geword. In 1858 is die gebied kragtens die Verdrag van Aigun aan die Russe gegee en het Rusland die militêre buitepos Chabarofka daar gestig. In 1894 is ’n departement van die Russiese Geografiese Vereniging daar gestig en dit het biblioteke, teaters en museums in die stad begin bou. Sedertdien het Chabarofsk se kulturele lewe gefloreer.

In 1916 is die Chabarofsk-brug oor die Amoer voltooi. Dit het die Transsiberiese treine in staat gestel om die rivier oor te steek sonder die hulp van veerbote of die oprigting van tydelike spore. Teen 1941 is ’n tonnel ook voltooi.

Eksterne skakels

• Chabarofsk-stadsadministrasie

• Wikimedia Commons het meer media in die kategorie Chabarofsk.
• Hierdie artikel is vertaal uit die Engelse Wikipedia