Gaius Sallustius Crispus
Gaius Sallustius Crispus ca. 86 v.C. Amiternum - 35 v.C. was 'n Romeinse politikus, generaal en skrywer.
Sallustius word in 52 v.C.volkstribuun en het waarskynlik P. Clodius Pulcher ondersteun wat deur T. Annius Milo, die Optimates se man, in 52 v.C. op die Via Appia vermoor is. In 50 v.C. word Sallustius self deur die Optimates uit die senaat verwyder.[1] Hy kry in 49 v.C. onder Julius Caesar die bevel oor 'n legioen. In 47 v.C. is hy praetor en probeer hy 'n opstand in Caesar se legioen te bedwing. Hy neem ook deel in Caesar se Africa-veldtogte, maar beëindig toe sy militêre loopbaan. Caesar maak hom die eerste goewerneur van die nuwe provinsie Africa Nova, die oostelike deel van Numidië. Hy het homself daar glo baie ryk gemaak en later het Caesar hom moet beskerm teen klagte oor dié gebeure. Hy het in Rome grond gekoop vir 'n landhuis in die beroemde Horti Sallustiani, 'n park wat later die keiser se eiendom sou word. Ná Caesar se dood in 44 v.C. trek hy hom terug uit die politiek en word skrywer.[2]
Hy is veral bekend as skrywer van boeke wat as bronne vir die geskiedkunde belangrik is: die Bellum Iugurthinum, die De Coniuratione Catilinae en die Historiae. In sy Historiae beskryf hy die gebeure in Rome van 78 tot 67 v.C.. Ongelukkig het daar net dele daarvan oorgebly. Die Bellum Iugurthinum gaan oor die oorlog met Jugurtha en die De Coniuratione Catilinae oor die sameswering van Catilina. [3]
Tacitus en Quintilianus het later sy werk gebruik en gewaardeer, maar Livius het dit ook gekritiseer.
Verwysings
wysig- ↑ Sallust Sather Classical Lectures Ronald Syme University of California Press, 2002, ISBN 0520929101, ISBN 9780520929104
- ↑ Catiline's War, The Jugurthine War, Histories Penguin classics A. J. Woodman Penguin, 2008, ISBN 1101160586, ISBN 9781101160589
- ↑ Warfare in the Roman Republic: From the Etruscan Wars to the Battle of Actium: From the Etruscan Wars to the Battle of Actium Lee L. Brice ABC-CLIO, 2014, ISBN 1610692993, ISBN 9781610692991