Hertogdom Benevento

Die hertogdom Benevento was sowat 500 jaar lank 'n hertogdom in die suide van Italië, rondom die stad Benevento.

Die hertogdom in die 8ste eeu

Langobarde

Die hertogdom is in 571 deur Zotto en sy Langobarde gestig. Dit het tot die inlywing van die koninkryk van die Langobarde in 774 'n deel van hierdie koninkryk gevorm, hoewel die hof in Pavia dikwels min invloed op die hertogdom gehad het. Toe Karel die Grote homself koning van die Langobarde gemaak het, het Arichis II homself onafhanklik verklaar, maar hy het aan Karel sy seun as gyselaar moet stuur. In die 9de eeu is die hertogdom verdeel tussen Benevento en Salerno en het onder invloed van die Sarasene gekom. In die 11de eeu is dit by die pouselike state ingelyf.

Hertoë

	Romuald I	662 - 687
	Grimoald II	687 - 689
	Gisulf I	689 - 706
	Romuald II	706-731
	Audelahis	731-733
	Gregorio	732-739
	Godescalco	739-742
	Gisulf II	742-751
	Liutprand	751-758
	Arichis II	758 -787
	Grimoald III	788-806
	Grimoald IV	806-817
	Sico	817-832
	Sicard	832-839