Himalaja

Die Himalaja (Sanskrit: हिमालय; Nepalees: हिमालय; Oerdoe: ہمالیہ‎; van Sanskrit hima ("sneeu") en ālaya ("woning"), letterlik "tuiste van die sneeu"^[1]) is 'n bergreeks in Suid-Asië, wat die Indo-Ganges-plein van die Tibetaanse plato skei. Dit lê uitgestrek van Pakistan oor Indië, Nepal, Tibet (Volksrepubliek China) en Bhoetan.^[2]

Pieke

Die Himalajaberge is 2 400 km lank en tussen 150 en 280 km breed. Veertien van sy pieke rys tot 'n hoogte van meer as 8 000 m bo seevlak: Berg Everest, K2, Kangchenjunga, Lhotse, Makalu, Cho Oyu, Dhaulagiri, Manaslu, Nanga Parbat, Annapurna, Gasherbrum I, Broad Peak, Gasherbrum II en Shishapangma.^[3] Berg Everest is die hoogste bergtop op aarde met 'n hoogte van 8 848 meter.

In werklikheid bestaan die bergreeks uit drie hoofreekse wat soos 'n magtige vesting oor Noord-Indië troon. Die bewoners van die streek noem die berge "die tuiste van die sneeu", want die meeste van die berge is hoër as 5 400 m en dus dwarsdeur die jaar met sneeu bedek. Meer as 100 van die pieke is hoër as 6 000 m, meer as 30 is hoër as 7 000 m en veertien is hoër as 8 000 m.

Riviere

Drie van die wêreld se grootste riviere ontspring in die Himalaja: Brahmaputra, Ganges en Indus. Die massiewe Himalaja-bergreeks strek in 'n halfmaan oor 'n gebied van 3 250 km tussen die bolope van die Indus- en Brahmaputrariviere in Indië.

Die Himalaja het ontstaan deur die botsing van die Indiese subkontinent met die Eurasiese plat.^[4] Die Himalaja-bergreeks vorm deel van die "Dak van die Wêreld", die reusagtige hooglandgebied wat die Karakoram- en Pamir-bergreekse insluit.

Verwysings

↑ (en) "Definition of Himalayas". Oxford Dictionaries Online. Geargiveer vanaf die oorspronklike op 12 Februarie 2011. Besoek op 31 Mei 2015.
↑ Bishop, Barry. "Himalayas (mountains, Asia)" (in Engels). Encyclopædia Britannica. Geargiveer vanaf die oorspronklike op 31 Maart 2009. Besoek op 31 Mei 2015.
↑ Himalaya-info.org: Die Berge des Himalaya. Besoek op 23 Julie 2019
↑ "The Himalayas: Two continents collide" (in Engels). USGS. 5 Mei 1999. Geargiveer vanaf die oorspronklike op 10 Mei 2020. Besoek op 31 Mei 2015.

Bronnelys

KENNIS, vol 9, 1980, bl. 1673-1675, ISBN 0 7981 0828 2

Eksterne skakels

Wikimedia Commons het meer media in die kategorie Himalaja.
(en) "Himalayas". Encyclopædia Britannica. Besoek op 9 Junie 2017.

28°0′0″N 82°0′0″O / 28.00000°N 82.00000°O / 28.00000; 82.00000

[oed-1] (en) "Definition of Himalayas". Oxford Dictionaries Online. Geargiveer vanaf die oorspronklike op 12 Februarie 2011. Besoek op 31 Mei 2015.

[bishop-britannica-2] Bishop, Barry. "Himalayas (mountains, Asia)" (in Engels). Encyclopædia Britannica. Geargiveer vanaf die oorspronklike op 31 Maart 2009. Besoek op 31 Mei 2015.

[3] Himalaya-info.org: Die Berge des Himalaya. Besoek op 23 Julie 2019

[USGS-4] "The Himalayas: Two continents collide" (in Engels). USGS. 5 Mei 1999. Geargiveer vanaf die oorspronklike op 10 Mei 2020. Besoek op 31 Mei 2015.

[1]

[2]

[3]

[4]