Hoenderpote
Hoenderpote word in baie lande gaargemaak en geëet. Nadat 'n buitenste laag harde vel verwyder is, bestaan die meeste van die eetbare weefsel van die pote uit vel en senings, sonder spiere. Dit gee die pote 'n duidelike tekstuur wat verskil van die res van die hoendervleis. Omdat dit meestal vel is, is hoenderpote baie gelatienagtig.
Rondom die wêreld
wysigChina
wysig
Hoenderpote word in verskeie plaaslike Chinese kombuise gebruik; hulle kan as 'n bierhappie, koue gereg, sop of hoofgereg bedien word.
In Guangdong en Hongkong,[1] word hulle tipies diepgebraai en eers gestoom om hulle pofferig te maak voordat dit gestoof en geprut word in 'n sous gegeur met swart gefermenteerde bone, boontjiepasta, en suiker;[2] of in perlemoensous. Die groot vraag in China verhoog die prys van hoenderpote, wat dikwels in ander lande as voer gebruik word. Twee jaar nadat hy in 2001 by die Wêreldhandelsorganisasie aangesluit het, het China die direkte invoer van Amerikaanse hoenderpote goedgekeur, en sedertdien is China die hoofbestemming van hoenderpote van regoor die wêreld.
Afgesien van hoenderpote, is eendpote ook gewild. [3] Eendpote met mosterd, wat dikwels saam met asyn, vars groenrissie en fyngedrukte knoffel bedien word, is 'n gewilde slaai/voorgereg.
Filippyne
wysigIn die Filippyne word hoenderpote in 'n mengsel van kalamondin, speserye en bruinsuiker gemarineer voordat dit gerooster word. 'n Gewilde stapelvoedsel in Filippynse straatkos, hoenderpote staan algemeen bekend as "adidas" (vernoem na die atletiese skoenhandelsmerk Adidas). Hoenderpote is ook 'n bestanddeel in Filippynse adobo.
Indonesië
wysig
In Indonesiese kookkuns staan hoenderpote as ceker bekend, en dit is 'n algemene gewilde lekkerny in Indonesië, veral in Java. Die mees algemene manier om hoenderpote in Indonesië te bedien, is in pittige tradisionele sop genaamd soto, nietemin is die Chinese styl dimsum hoenderpote ook beskikbaar in sommige Chinese restaurante in Indonesië. Soto ceker[4] is hoenderpote bedien in 'n taamlik helder geel pittige soto- bouillonsop, wat speserye gebruik, insluitend gemaalde sjalot, knoffel, galangal, gemmer, kersneut, gekneusde sitroengras, daun salam (Indonesiese lourierblaar) en borrie wat die gelerige kleur byvoeg, bedien met kool, seldery, rysnoedels, en versier na smaak met sambal, lemmetjie en soja.[5]
Korea
wysig
In Korea staan hoenderpote bekend as dakbai, en gerooster of geroerbraai met warm brandrissiesous. Daar is verskillende gaarmaakmetodes, insluitend beenvry, gekook met sop en so aan. Hulle word dikwels geëet as anju (kos bedien met alkohol).
Kosjer
wysigHoenderpote word algemeen bedien as 'n hoof- of aanvullende bestanddeel in kosjer hoendersop.[6]
Maleisië
wysigHoenderpote staan ook bekend as ceker in Maleisië en is tradisioneel gewild meestal onder Maleiers van Javaanse, Chinese en Siamese afkoms. Baie tradisionele Maleise restaurante in die staat Johor bied hoenderpote aan wat saam met Maleisiese kerrie gekook word en saam met roti canai geëet word. In die staat Selangor word hoenderpote óf in sop gekook totdat die bene sag is met groente en speserye óf in palmolie gebraai. Hoenderpote word ook deur Maleisiese Chinese in tradisionele Chinese kookstyl geëet.
Meksiko
wysigHoenderpote (ook bekend as "patitas") is 'n gewilde bestanddeel regoor Meksiko, veral in bredies en sop. Hulle word dikwels gestoom om deel te word van 'n hoofgereg met rys, groente en heel waarskynlik 'n ander deel van die hoender, soos die bors of dye. Die pote kan met molsous gegeur word. By geleentheid word hulle gebraai.
Baie mense sal ook die hoenderpote in die hand neem as 'n peuselhappie en die sagte buitenste vel kou. Die binneste beenstruktuur word nie geëet nie. Nog so 'n gewilde versnapering is hoendernekke (ook bekend as "pescuezos") wat gewoonlik deur straatverkopers verkoop word en vergesel word met salsa Valentina ('n warm sous).
Suid-Afrika
wysigIn Suid-Afrika word hoenderpote hoofsaaklik in townships in al nege provinsies geëet, waar dit bekend staan as "walkie talkies" (saam met die kop, derm, harte en ingewande), "weglopers", "hoenderstof" en "Amanqina" (in isiXhosa)[7] Die pote word in warm water gedompel, sodat die buitenste laag van die vel verwyder kan word deur dit af te skil, en dan met geurmiddels bedek en gerooster. Die naam "hoenderstof" is afgelei van die stof wat hoenders opskop wanneer hulle in die grond skrop met hul pote. Hulle word dikwels as 'n versnapering geëet.
Thailand
wysigIn die Thaise kookkuns word die hoenderpote in 'n verskeidenheid geregte bedien, soos in 'n weergawe van groen hoenderkerrie.
Verwysings
wysig- ↑ Christopher DeWolf; Izzy Ozawa; Tiffany Lam; Virginia Lau; Zoe Li (13 Julie 2010). "40 Hong Kong foods we can't live without". CNN Go. Geargiveer vanaf die oorspronklike op 5 November 2012. Besoek op 13 Augustus 2012.
- ↑ Shimabukuro, Betty. "Dive In, Feet First" Geargiveer 30 Junie 2012 op Wayback Machine, Honolulu Star-Bulletin, 11 November 1998.
- ↑ "Hong Kong Dim Sum Dishes" Geargiveer 9 Januarie 2007 op Wayback Machine, Global Gourmet, January 2007.
- ↑ "aneka resep soto" (in Indonesies). resep soto ayam. Geargiveer vanaf die oorspronklike op 26 Oktober 2016. Besoek op 3 November 2016.
- ↑ "Soto Ceker Kuta Is a Local Legend". Qraved. 21 Januarie 2015.
- ↑ Cohen, Jayne (26 September 2012). Jewish Holiday Cooking: A Food Lover's Treasury of Classics and Improvisations. Houghton Mifflin Harcourt. ISBN 978-0544187030. Besoek op 30 Mei 2017 – via Google Books.
- ↑ Chicken Feet Take Off In Soweto Geargiveer 7 Oktober 2006 op Wayback Machine, Johannesburg News Agency, 31 May 2004.