Japannese tale
Die Japannese tale of Japannees-Ryukyu is 'n taalfamilie wat uit 12 tale bestaan en deur sowat 130 miljoen mense op die Japanse Argipel gepraat word. Dié taalfamilie bestaan uit twee groepe, naamlik Japannees en die Ryukyu-tale.[1]
| Japannese tale Japannees-Ryukyu
| |
|---|---|
| Geografiese verspreiding: |
Japanse Argipel |
| Genetiese klassifikasie: |
Altaïes (omstrede) Japannese tale |
| Onderafdelings: | |
Verspreiding van Japannese tale | |
Die grootste tale (volgens moedertaalsprekers) is: Japannees (129 miljoen), Okinawa-Amami (900 000) en Sakisjima (100 000). Al die Japannese tale word met die Japannese skryfstelsel, bestaande uit Kanji, Hiragana en Katakana, geskryf.
Die Ryukyu-tale word deur sommige taalkundiges as dialekte van Japannees beskou wat dus gesamentlik as een Japannese taal gegroepeer word. Ander taalkundiges sien egter groter verskille tussen die Ryukyu-tale en Japannees wat nie hierdie klassifikasie regverdig nie.[2] Hulle argumenteer dat Japannees en die Ryukyu-tale nie onderling verstaanbaar is nie. Net die genetiese verwantskap tussen albei takke is 'n algemene konsensus. Die Japannese tale is nie verwant aan Japan se ander inheemse taal, Ainoe, nie; laasgenoemde word dus as 'n geïsoleerde taal beskou. Soms word dit saam met Turkse, Mongoolse en Toengoesiese tale, Koreaans asook Ainoe by die Altaïese tale gegroepeer, hoewel dit algemeen betwis word.[3]
Verwysings
wysig- ↑ (en) Hammarström, Harald; Forkel, Robert; Haspelmath, Martin (2017). "Japonic". Glottolog 3.0. Jena, Duitsland: Max Planck Institute for the Science of Human History. Geargiveer vanaf die oorspronklike op 12 Desember 2019. Besoek op 25 November 2018.
{{cite web}}: AS1-onderhoud: meer as een naam (link) - ↑ (en) Patrick Heinrich (24 November 2005). "Language Loss and Revitalization in the Ryukyu Islands". The Asia-Pacific Journal. Besoek op 17 Maart 2022.
- ↑ (en) "The Altaic family controversy – Languages Of The World". Languages Of The World. 16 Februarie 2011. Geargiveer vanaf die oorspronklike op 26 Augustus 2019. Besoek op 25 November 2018.
Verdere leesstof
wysig- (en) Moriyo Shimabukuro (2007). The Accentual History of the Japanese and Ryukyuan Languages: a Reconstruction. Londen: Global Oriental. ISBN 978-1-901903-63-8. OCLC 149189163.
Eksterne skakels
wysig
Wikimedia Commons het meer media in die kategorie Japannese tale.- (en) "Ethnologue: Languages of the World, Seventeenth edition, Japonic". Ethnologue. Besoek op 20 Augustus 2020.
