Kunene
| Kunene | |
|---|---|
| Hoofstad: | Opuwo |
| Grootste stad: | Opuwo |
| Webwerf: | www.arc.org.na |
| |
Kunene is een van die 14 streke van Namibië en tuis aan die Himba-volk. In vergelyking met die res van Namibië is dit relatief onderontwikkeld. Dit is dalk weens die bergagtige geografie wat ontoeganklik is en droogte wat landbou belemmer.
Die streek se naam is van die Kunenerivier afgelei. Kunene se hoofstad en grootste stad is Opuwo. Kunene grens in die noorde aan die twee Angolese provinsies Namibe en Cunene, in die ooste aan Omoesati, Osjana, Osjikoto en Otjozondjoepa, in die suide aan Erongo en in die weste aan die Atlantiese Oseaan.
Politiek
wysigKunene is een van die min streke waar SWAPO nie oorheers nie. In die 2004-verkiesing vir die Nasionale Vergadering van Namibië het kiesers in Kunene-streek talle partye gesteun. Die UDF behaal die hoogste stemgetal en 22,19% van die party se nasionale stemgetal in die streek.[1]
In die streeksverkiesings van 2015 het SWAPO in vyf van die sewe kiesafdelings gewen, terwyl die Demokratiese Turnhalle-alliansie twee gewen het.[2]
Gesondheid
wysigCholera is 'n probleem in die Kunene-streek, veral naby die Angolese grens. In Desember 2008 het die Zimbabwiese cholera-uitbraak die dood van honderde Zimbabwiërs veroorsaak, en 'n soortgelyke maar afsonderlike uitbraak het plaasgevind in die kiesafdeling van Epupa in die noorde van Kunene. Op 19 Desember het 3 mense gesterf en 29 siek geword. In Mei 2008 het ongeveer 15 mense ook aan cholera gesterf.[3]
Ekonomie en infrastruktuur
wysigKunene het 60 skole met 20 332 studente.[4]
Demografie
wysigVolgens die 2001 Bevolkings- en Behuisingsensus het Kunene 'n bevolking van 68,735 (34,237 vroue en 34,487 mans of 101 mans vir elke 100 vroulike persone) wat teen 'n jaarlikse koers van 1,9% gegroei het. Die vrugbaarheidsyfer was 4.7 kinders per vrou. 25% woon in stedelike gebiede, terwyl 75% in landelike gebiede woon, en met 'n oppervlakte van 115,293 km2, was die bevolkingsdigtheid 0.6 persone per km2. 15% van die bevolking was onder 5 jaar oud, 26% tussen 5-14 jaar, 48% tussen 15-59 jaar en 7% 60 jaar en ouer. Die bevolking is verdeel in 12,489 huishoudings, met 'n gemiddelde grootte van 5,3 persone. 40% van huishoudings het 'n vroulike hoof van die huis gehad, terwyl 60% 'n man gehad het. Vir diegene 15 jaar en ouer was 52% nooit getroud nie, 12% getroud met sertifikaat, 17% getroud tradisioneel, 12% getroud met mekaar, 2% geskei en 4% was weduwees.[5]
Die mees algemene huistale was Herero (42%) en Nama/Damaras (36%). Vir diegene 15 jaar en ouer was die geletterdheidsyfer 57%. Wat onderwys betref, was 51% van die meisies en 49% van die seuns tussen die ouderdomme van 6-15 op skool, en van diegene ouer as 15, het 45% skool verlaat, 9% was tans op skool en 41% het nooit skool bygewoon nie.[5] In 2001 was die indiensnemingskoers vir die arbeidsmag (56% van die 15+) 77% in diens en 23% werkloos. Vir diegene van 15+ jaar en nie in die arbeidsmag (24%) was nie, was 19% studente, 56% huishouers en 25% afgetree, te oud, ens.[5]
Verwysings
wysig- ↑ Election Update 2004 Geargiveer 3 Desember 2008 op Wayback Machine EISA Desember 2004
- ↑ Regional Council Election Results 2015. Electoral Commission of Namibia (3 Desember 2015).
- ↑ Cholera strikes in Kunene The Namibian, 19 Desember 2008
- ↑ Miyanicwe, Clemans; Kahiurika, Ndanki (27 November 2013). "School counsellors overstretched". The Namibian. p. 1.
- ↑ 5,0 5,1 5,2 "Kunene Region – Census Indicators, 2001" (in Engels). National Planning Commission. 2001. Geargiveer vanaf die oorspronklike op 28 Augustus 2013. Besoek op 27 Desember 2008.