Outonome Gemeenskap van die Baskeland
Die Outonome Gemeenskap van die Baskeland (Baskies Euskadi, Spaans País Vasco) is sedert 1978 'n outonome gemeenskap met die status van historiese streek binne Spanje. Die hoofstad is Vitoria-Gasteiz (Vitoria is die Spaanse naam, Gasteiz die Baskiese naam).
| |||||
| Volkslied: Eusko Abendaren Ereserkia | |||||
| |||||
| Hoofstad | Vitoria-Gasteiz | ||||
| Amptelike Tale | Spaans en Baskies | ||||
| Oppervlak – Totaal – % van Spanje |
Rang 14de 7 234 km² 1,4% | ||||
| Bevolking – Totaal (2005) – % van Spanje – Digtheid |
Rang 7de 2 124 846 4,9% 293,73/km² | ||||
| Inwonersnaam – Afrikaans – Spaans – Baskies |
Bask vasco/a euskotar | ||||
| Statuut van Outonomiteit |
25 Oktober 1979 | ||||
| Parlementêre verteenwoordiging – Kongressetels – Senaatsetels |
19 15 | ||||
| President | Iñigo Urkullu Rentería (PNV-EAJ) | ||||
| ISO 3166-2 | PV | ||||
| Eusko Jaurlaritza/Gobierno Vasco | |||||
Die Outonome Gemeenskap van die Baskeland is een van drie administratiewe gebiede van die historiese en kulturele gebied, die Baskeland. Die ander twee gebiede wat deel uit maak van die gebied is die Outonome Gemeenskap van die Navarra, ook in Spanje en die westelike gedeelte van die Franse département Pyrénées-Atlantiques. Die gemeenskap bestaan uit die volgende provinsies:
- Álava (Spaans Álava, Baskies Araba), hoofstad Vitoria-Gasteiz (Spaans Vitoria, Baskies Gasteiz)
- Biskaje (Spaans Vizcaya, Baskies Bizkaia), hoofstad Bilbao (Baskies Bilbo)
- Gipuzkoa (Spaans Guipúzcoa, Baskies Gipuzkoa), hoofstad Donostia (Spaans San Sebastián)
Voor die aanneming van die Spaanse Grondwet van 1978 en die grondwet se stelsel van outonome gemeenskappe het die drie provinsies bekend gestaan as die Baskiese provinsies (Spaans: Provincias Vascongadas. Die politiese struktuur van die outonome gemeenskappe word gedefinieer in die Gernika Statuut, wat deur 'n referendum op 25 Oktober 1979 goedgekeur is. In 2003 het die Baskiese Nasionale Party voorgestel dat die statuut volgens die Ibarretxe Plan aangepas word. Die projek, wat deur die Baskiese kamer goedgekeur is, is in die Spaanse Cortes verwerp.
Eksterne skakels
wysig
Wikimedia Commons het meer media in die kategorie Outonome Gemeenskap van die Baskeland.- (en) Toerisme-inligting oor Baskeland op Wikivoyage
- (es) (eu) Amptelike webwerf
