Paranthropus robustus
Paranthropus robustus (of Australopithecus robustus) is oorspronklik in 1938 in Suid-Afrika ontdek. Dit lyk of die spesie se skedeleienskappe ontwikkel het om beter te kou. Vanweë die spesifieke eienskappe wat met dié robuuste lyn van Australopithecus verbind word, het die antropoloog Robert Broom die genus Paranthropus geskep en die spesie daarin geklassifiseer.
| Paranthropus robustus | |
|---|---|
| |
| Die oorspronklike skedel van Paranthropus robustus in die Ditsong Nasionale Natuurhistoriese Museum in Pretoria. | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Subfamilie: | |
| Genus: | Paranthropus
|
| Spesie: | P. robustus
|
| Binomiale naam | |
| †Paranthropus robustus (Robert Broom, 1938)
| |
| Sinonieme | |
|
| |
P. robustus het tussen sowat 2 miljoen en 1,2 miljoen jaar gelede geleef. Hulle het groot kakebene, kakebeenspiere en tande gehad wat aangepas was by die droë omgewing waarin hulle gewoon het.
Ontdekking
wysig
Ná die Australiese anatoom en antropoloog Raymond Dart se ontdekking van Australopithecus africanus, was Broom ’n ondersteuner van Dart se teorie dat dié spesie ’n voorouer van Homo sapiens is. Broom was ’n Skotse dokter wat toe in Suid-Afrika gewerk het. Hy het met sy eie uitgrawings in Suid-Afrika begin om nog fossiele te vind. In 1938 het hy by Kromdraai ’n skedel en tande ontdek wat ooreengestem het met Dart se A. africanus, maar dit het meer robuuste kenmerke gehad.
Later is die oorblyfsels van nog 30 individue in ’n grot by Swartkrans gevind. ’n Ondersoek van die gebit dui daarop dat die gemiddelde P. robustus selde ouer as 17 jaar geword het.
Morfologie
wysigP. robustus se kop het ’n bietjie gelyk soos dié van ’n gorilla, met groter kakebene en tande as ander voorbeelde in die Homo-lyn. Die skedel DNH 7, of Eurydice, is in 1994 deur Andre Keyser by die Drimolen-grot naby Johannesburg ontdek. Dit is sowat 2,3 miljoen jaar oud en vermoedelik vroulik. Die mannetjies was moontlik tot 1,2 m lank en het 54 kg geweeg teenoor die wyfies se 1 m en 40 kg – daar was dus ’n groot mate van geslagsdimorfie (verskille tussen die geslagte).
Die grootte van die maaltande stem meer ooreen met dié van ’n gorilla as met dié van ’n mens. Die gemiddelde breingrootte was tussen 410 en 530 cm3, omtrent so groot soos dié van ’n sjimpansee.
Eksterne skakels
wysig- "MNSU" Geargiveer 6 Maart 2006 op Wayback Machine
- "Archaeology Info"
- Paranthropus robustus – "Smithsonian Institution"