Pentium 4

Die Pentium 4 is 'n sewende-generasie x86-argitektuur mikroverwerker deur Intel, die eerste totaal nuwe SVE-ontwerp (Engels: CPU design) sedert die Pentium Pro van 1995.

Die oorspronklike Pentium 4, kodenaam "Willamette", se verwerkingspoed was 1.4 en 1.5 GHz en is vrygestel in November 2000. In teenstelling met die Pentium II, die Pentium III, en die verskeie Celeron verwerkers, is niks oorgeneem van die Pentium Pro ontwerp nie. Elke eienskap is van nuuts af aan ontwerp.

Dit was vir baie 'n verrassing toe die Pentium 4 nie op die ou P6-ontwerp verbeter het in enigeen van die twee sleutelmaatstawe van werkverrigting nie: heelgetalprosesseringspoed en dryfpuntwerkverrigting. Dit het eerder die tradisionele werkverrigting opgeoffer om hoë klokspoed en SSE-werkverrigting te wen.

Die Pentium 4 is ook beskikbaar in 'n laer prestasie Celeron weergawe en 'n hoër prestasie Xeon weergawe.