Pous Benedictus III
Benedictus III was die 104de pous van die Rooms-Katolieke Kerk.
| Pous Benedictus III | |
|---|---|
| |
| Pontifikaat begin | 29 September 855 |
| Pontifikaat eindig | 17 April 858 |
| Voorganger | Leo IV |
| Opvolger | Nicolaas I |
| Gebore | Rome |
| Sterf | 17 April 858 Rome, Italië |
| Ander pouse genaamd Benedictus | |
Biografie
wysigPous Benedictus III is gebore in Rome die seun van Petrus. Op 29 September 855 volg hy Pous Leo IV op en regeer tot sy dood op 17 April 858. Hy word opgevolg deur Pous Nicolaas I. Die naam ‘Benedictus’ beteken 'die geseënde'.
Pontifikaat
wysigTen tye van sy verkiesing was Pous Benedictus III kardinaal van Sint Callisto. Oorspronklik is Adrianus verkies, maar hy het nie die verkiesing aanvaar nie. Na die verkiesing, maar voor die kroning van die pous, het 'n groep belangrike Romeine Anastasius III as pous verkies. Anastasius het die wettige pous uit Rome verdryf, maar in September 855 keer die wettige pous terug en word gekroon. Dit het aanleiding gegee tot die gerug dat Benedictus meer as een keer regeer het.
Benediktus het hom beywer vir die heiligheid van die huwelik en probeer om die morele verval van die adel en die hoë geestelikheid te keer. Hy het ook beswaar gemaak teen die afsetting van biskoppe deur die gewone gemeentelede in Engeland.
Pous Benedictus het tussenbeide getree in die konflik tussen die seuns van Lotarius I (Lotarius II, Lodewyk II en Karel II die Kale). Hy het ook Lotarius II tereggewys omdat hy onderdak verskaf het aan Ingeltrude, die vrou van hertog Boso wat weggeloop het. Ingeltrude het 'n internasionale skandaal veroorsaak en die pous het haar geëkskommunikeer.
Daar is ook spekulasie dat Benedictus 'n fiktiewe persoon was, wat bedink is om die Pousin Johanna uit die lys van pouse te skrap. Daar is egter tot nou toe geen bewyse daarvoor gevind nie. Die bestaan van 'n silwer munt met sy beeltenis skyn die teendeel te bewys.[1]
Bibliografie
wysig- Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
- Duff, Eamon. Saints and Sinners: A History of the Popes, Yale University Press, 2001. pp 62–63. ISBN 0300091656
- Maxwell-Stuart, P. G. Chronicle of the Popes: The Reign-by-Reign Record of the Papacy from St. Peter to the Present, Thames & Hudson, 2002. ISBN 0500017980.
Verwysings
wysig- ↑ Garampi, "De nummo argenteo Bened. III", (Rome, 1749).
Eksterne skakels
wysig
- CE Inskrywing in die Catholic Encyclopedia (Engels)
- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- PTA Inskrywing in "Popes through the Ages" deur J. Brusher S.J. (Engels)
Nota
wysigSaamgestel en vertaal uit die Nederlandse, Engelse, Duitse en Franse wikipedia.
Opvolging
wysig| Voorafgegaan deur Leo IV |
Pous (Pontifex Maximus) 855 – 858 |
Opgevolg deur Nicolaas I |