Prins Gaston

Prins Gaston, graaf van Eu (Frans: Louis Philippe Marie Ferdinand Gaston; 28 April 1842 – 28 Augustus 1922) was getroud met prinses Isabel, dogter van Pedro II van Brasilië en erfgenaam van die Brasiliaanse troon.

Gaston d'Orléans en Isabel, Prinses Imperial van Brasilië

Prins Gaston is gebore as Louis Philippe Marie Ferdinand Gaston van Orléans (Portugees: Luís Filipe Maria Fernando Gastão de Orleães) op 28 April 1842 in Neuilly-sur-Seine, 'n voorstad van Parys, by die Château de Neuilly. Gaston was 'n lid van die Franse koninklike familie en het tot die Huis van Orléans behoort, 'n kadettak van die Huis van Bourbon, wat op sy beurt aan die Capetian Dinasty behoort het. Hy was 'n eerste neef van beide die Britse monarg koningin Victoria en van haar man Albert, Prince Consort, deur sy ma, prinses Victoria van Sakse-Coburg en Gotha.

Na jare met probleme op die grens met Marokko wat veroorsaak is deur voortdurende aanvalle op Spaanse stede deur Marokkaanse seerowers, het Spanje oorlog teen Marokko verklaar. Die jong Gaston is as 'n ondergeskikte offisier gestuur om aan die Spaanse magte se kant aan die konflik deel te neem. Die Spaanse weermag het uit meer as 40 000 soldate bestaan, terwyl die Marokkaanse troepe sowat 140 000 man getel het.

Gaston en Isabel het op hul wittebrood in Europa gereis toe Paraguayaanse magte die Brasiliaanse provinsies Mato Grosso en Rio Grande Do Sul binnegeval het.

Op 15 November 1889 is die Republiek in Brasilië geproklameer. Die keiserlike familie is in ballingskap gedwing, eers in Portugal en later na Normandië, waar hulle hul by die Château d'Eu gevestig het.

Dit was eers in 1921 (reeds as wewenaar) dat die graaf van Eu uiteindelik sy voet terug in Brasilië kon sit. By hierdie geleentheid het hy die lyke van sy skoonouers gekry om in die Imperial Mausoleum van die katedraal van Petrópolis te begrawe. Die volgende jaar, op 28 Augustus 1922, het die graaf van Eu aan natuurlike oorsake ter see langs die kus van Brasilië gesterf, tydens 'n reis wat hom sou terugneem na Brasilië om die eerste eeufees van onafhanklikheid te vier.