QWERTY-sleutelbord

QWERTY (uitgespreek /kwerti/) is die Amerikaanse sleutelborduitleg wat vir rekenaarsleutelborde en tikmasjiene gebruik word. Die naam dui op die eerste ses letters op die boonste ry van die sleutelbord.

Gebruikte sleutelborde in Europa:
██ QWERTY ██ QWERTZ ██ AZERTY ██ Eie (Turks FGĞIOD, Lets ŪGJRMV, Litous ĄŽERTY) ██ Nie-Latynse skrif

Die QWERTY-ontwerp is deur Christopher Sholes in 1867 gepatenteer en aan Remington in 1873 verkoop, waarna dit eerste in tikmasjiene gebruik is.

Variasies

Die Amerikaanse QWERTY bied geen moontlikhede om letters met diakriete soos ë, ê, é of ç te vorm nie. Die Nederlandse weergawe van QWERTY kan dit wel produseer met 'n kombinasie van twee toetse. Die QWERTY wat in Quebec en in Spanje gebruik word, is 'n bietjie anders en het 'n É of 'n Ñ op die bord. Duitse en Franse sleutelborde het regtig afwykende uitlegte: Terwyl in Duitstalige gebiede 'n QWERTZ-uitleg gebruiklik is, het Franssprekende lande 'n AZERTY-uitleg. In lande soos Turkye, Portugal, Letland en Litoue is daar nog ander variasies.

Tale wat in 'n ander alfabet geskryf word, het natuurlik ook hulle eie uitlegte. Russiese sleutelborde het byvoorbeeld ЙЦУКЕН.

Sien ook

• Dvorak-sleutelbord

Die Amerikaanse QWERTY-sleutelborduitleg.