Río Marañón

Die Río Marañón (Spaans: [ˈri.o maɾaˈɲon]) is die grootste sytak van die Amasonerivier in Suid-Amerika. Dit is saam met die Río Ucayali een van twee bronriviere van die Amasonerivier. Die rivier, met 'n lengte van 1 737 km, is die langste rivier, wat uitsluitlik deur Peru vloei. Die Río Marañón vloei deur hooggebergte, half-woestyn valleie, asook subtropiese en tropiese reënwoud.

Río Marañón
Die Río Marañón na die inmonding van die Río Santiago naby Borja. Vanaf hier is die rivier bevaarbaar. Die Río Marañón na die inmonding van die Río Santiago naby Borja. Vanaf hier is die rivier bevaarbaar.
Die stroomgebied van die Río Marañón.
Oorsprong	Saamvloei van die Río Lauricocha en die Río Nupe in die Andes, noordoos van Lima (Peru)
Monding	saamvloei met die Río Ucayali Amasonerivier
Stroomgebied	Peru
Lengte	1 737 km (1 079 myl)
Oorspronghoogte	5 800 m (Río Nupe)
Mondinghoogte	88 m
Gemiddelde afloop	14 900 m³/s
Stroomgebiedopp.	382 877 km²

Vallei van die Río Marañón tussen Chachapoyas en Celendín, Peru

Die Río Marañón in die Huánuco-streek, Peru

Die Río Marañón in die provinsie Yarowilca, Peru

Die Río Marañón in die Cajamarca-streek, Peru

Die Río Marañón ontstaan deur die saamvloei van die Río Lauricocha en die Río Nupe in die Peruaanse Andes noordoos van Lima. Aansluitend vloei die rivier binne die Andes in noordwestelike rigting parallel tot die kus van die Stille Oseaan. Net suid van die grens tot Ecuador vloei die Río Marañón in oostelike rigting. Naby die ewenaar net wes vanaf die grens tot Brasilië vloei die rivier met die uit suidelike rigting komende Río Ucayali saam en die hoofloop van die Amasonerivier ontstaan, vanaf hier ook Rio Solimões genoem.

Sytakke

Die grootste sytakke (stroomaf):

Linkse sytakke	Regse sytakke
Paccha Chamaya Chinchipe Cenepa Santiago Moroña Pastaza Nucuray Urituyacu Chambira Tigre	Utcubamba Imaza Nieva Apaga Huallaga Samiria

Verwysings

• Wikimedia Commons het meer media in die kategorie Río Marañón.