Saône

Die Saône (Frans: [son]; Arpitaans: Sona; Latyn: Arar) is 'n groot suidoos-vloeiende rivier in Frankryk. Die rivier, met 'n lengte van 473 km, is die langste sytak van die Rhône.

Saône
Nagtelike aansig van die Saône in Lyon, Frankryk. Nagtelike aansig van die Saône in Lyon, Frankryk.
Die stroomgebied van die Saône.
Oorsprong	Vioménil, Vogese, Grand Est, Frankryk
Monding	Lyon, Auvergne-Rhône-Alpes, Frankryk Rhône
Stroomgebied	Frankryk
Lengte	473 km (294 myl)
Oorspronghoogte	392 m (1 286 voet)
Mondinghoogte	158 m (518 voet)
Gemiddelde afloop	410 m³/s (14 000 vt/s³)
Stroomgebiedopp.	30 093 km² (11 600 myl²)
Kaart van die Saône-bekken in Frankryk.

Die bron van die Saône by Vioménil

Die Saône in Gray

Die Saône ontspring naby Vioménil in die Vogese in die Franse gewes Grand Est van die historiese streek Lotaringe. Net wes ontspring die Maas en net oos die Moesel, 'n sytak van die Ryn. Aansluitend vloei die Saône in 'n suidwestelike rigting en mond by Lyon in die Rhône uit. Laasgenoemde sit die suidelike vloeirigting van die Saône vort. Die Saône vloei onder ander deur die Franse départements Vosges, Haute-Saône, Côte-d'Or, Saône-et-Loire, Rhône en Ain. Die gekanaliseerde Saône verbind die Rhônehawens met nywerheidstede soos Villefranche-sur-Saône, Mâcon en Chalons-sur-Saône.

Geskiedenis

Die naam "Saône" is afkomstig van die Galliese riviergodin Souconna, maar word ook met 'n plaaslike Keltiese stam, die Sequanes, verbind. Monastieke kopieerders het Souconna tot Saoconna omgeskep, wat uiteindelik tot die naam Saône sou lei. Van die ander bekende antieke name vir die rivier sluit in Brigoulus en Arar. Laasgenoemde is 'n verdubbeling van die Indo-Europese wortel ar vir "water". Volgens Julius Caesar se Galliese Oorlog (De Bello Gallico) verwys die verdubbeling na die moeilikheid om die presiese vloeirigting van die rivier te bepaal, weens sy stadige vloeitempo. Sy huidige naam is afgelei van 'n vereerde bron, Sauc-Onna, geleë by Chalon; dié naam is deur Romeinse legioensoldate gebruik om na die hele rivier te verwys.

Eksterne skakels

• Wikimedia Commons het meer media in die kategorie Saône.
• (en) "Saône River". Encyclopædia Britannica. Besoek op 7 April 2019.