Serenje
Serenje is die vyfde grootste dorp van Zambië se Sentrale Provinsie en gee ook sy naam aan die distrik, waarvan die dorp die administratiewe setel is. Die geskatte bevolking was in 2009 9 473, 'n toename van minder as duisend vergeleke met die 2000-sensus.[1]
Serenje | |
|---|---|
  Serenje | |
| Koördinate: 13°15′0″S 30°14′15″O / 13.25000°S 30.23750°O | |
| Land |  Zambië |
| Provinsie | Sentrale Provinsie |
| Tydsone | UTC+2 (SAST) |
Die dorp het 'n spoorwegstasie van die Tazara-spoorlyn, 200 km oosnoordoos van die spoorlyn se beginpunt by Kapiri Mposhi. Die dorp lê ook aan die Great North Road, wat van hier noordoos 236 km tot by Mpika strek, dan 260 km tot by Isoka en uiteindelik nog 109 km tot by Tunduma aan die grens met Tanzanië. Die ou Great North Road swenk by Mpika noord tot op Kasama.[2]
Hoewel Serenje twee motels het, is albei raserig. Reisigers wat in die omgewing wil oornag, word aangeraai[2] om 50 km verder met die Great North Road te ry tot by die Kundalila-waterval.
Verwysings
wysig- ↑ "argiefkopie". Geargiveer vanaf die oorspronklike op 30 Junie 2013. Besoek op 30 Junie 2013.
- ↑ 2,0 2,1 Dooley, Brendan & Plewman, Nicholas, African Advernturer's Guide To Zambia, Struik Publishers (Pty) Ltd, Cape Town, 2000