Silwernitraat

Silvernitraat is 'n sout van silwer en salpetersuur met die chemiese formule AgNO₃.

Eienskappe

Algemeen
Naam	Silwernitraat
Sistematiese naam	Silwernitraat
Struktuurformule van
Chemiese formule	AgNO3
Molêre massa	169,87 [g/mol]
CAS-nommer	7761-88-8
Voorkoms	Wit vastestof; verkleur in lig
Fasegedrag
Selkonstantes	a= 699,7; b= 732,5; c= 1011,8 pm
Ruimtegroep	Pbca
Nommer	61
Schönfliess-simbool	D152h
Smeltpunt	212 °C
Kookpunt	(ontbind) 444 °C
Digtheid
Oplosbaarheid	oplosbaar 2570 g/L @ 25 °C
Suur-basis eienskappe
pKa
Veiligheid
Flitspunt	nie-brandbaar
LD50	>2000 [mg/kg]
Tensy anders vermeld is alle data vir standaardtemperatuur en -druk toestande.
Portaal Chemie

Dit is 'n kleurlose oplosbare sout, wat liggevoelig is en swart kleur wanneer dit langdurig aan lig blootgestel word.

Kristalstruktuur

Sliwernitraat kristalliseer in 'n ortorombiese struktuur waarin die silweratome amper in lae ewewydig aan die (010) vlak lê. Die suurstofione van die nitraatgroepe is nie aan een spesifieke silweratoom gebind nie.

Eienskappe

Aan silwernitraat blootgestelde hand

Die sout is 'n sterk oksideermiddel en wanneer 'n mens aan oplossings daarvan blootgestel word sal dit swart kleur deur die vorming van silwernanodeeltjies in die huid, wat nog lank swart sal bly.

Chemiese eienskappe

Silwernitraat kan verkry word deur die metaal in warm salpetersuur op te los. In gekonsentreede salpersuur kan vaste silwernitraat neerslaan, maar met 50% water bly dit gewoonlik in oplossing:

$Ag(s)+2H^{+}+2NO_{3}^{-}\rightarrow Ag^{+}+NO_{2}\uparrow +H_{2}O+NO_{3}^{-}$

Silwernitraatoplossings is baie gebruik om kwalitatief ander ione in oplossings aan te toon. Bv. met chromaatione word 'n purperkleurige neerslag gevorm:

$2Ag^{+}+2NO_{3}^{-}+2K^{+}+CrO_{4}^{-}\rightarrow Ag_{2}CrO_{4}(s)\downarrow ++2NO_{3}^{-}+2K^{+}$

En dit is 'n eenvoudige toets om chloorione aan te toon:

$Ag^{+}+NO_{3}^{-}+K^{+}+Cl^{-}\rightarrow AgCl(s)\downarrow +NO_{3}^{-}+K^{+}$

Die silwerchloriedneerslag is wit.

Dieselfde geld vir jodiedione:

$Ag^{+}+NO_{3}^{-}+K^{+}+I^{-}\rightarrow AgI(s)\downarrow +NO_{3}^{-}+K^{+}$

Die silwerjodiediedneerslag is geel. Nitriete gee dieselfde resultaat.

Medies

Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie. Enige vrae of klagtes oor u persoonlike gesondheid behoort na 'n dokter verwys te word.

Dit word soms vir die behandeling van wonde of konjunktivitis aangewend. Dit word verhandel as klein stokkies vir antiseptiese wondkauterisering en word toegedien op slymvliese en ander klam veloppervlaktes, maar slegs op area wat behandel moet word. Topikale oplossings word met 'n katoentoediener op die aangetaste area opgebring wat in oplossing/salf gedoop is.

Silwernitraat is effektief in vitro teen Neisseria gonorrheae en Staphylococcus aureus in 'n konsentrasie van ongeveer 0.1% en teen Escherichia coli in 'n konsentrasie van ongeveer 0.01%. Dit is effektief in vivo teen die meeste stamme van Staphylococcus aureus en S. epidermidis en het ook aktiwiteit teen Pseudomonas aeruginosa, maar dit is minder aktief teen ander gram-negatiewe spesies, soos Enterobacter en Klebsiella. In die behandeling van brandwonde is silwernitraat nogtans grootliks deur silwersulfadiasien vervang.

Akute orale blootstelling aan silwernitraat het gelei tot irritasie en korrosie in die spysverteringskanaal, buikpyn, diarree, braking, skok, stuiptrekkings en dood by mense. Silwernitraat kan lei tot respiratoriese irritasie met blootstelling deur inaseming . Silwernitraat is hoogs irriterend vir die vel, slymvliese en oë. Onoplosbare silwerverbindings (bv. silwerchloried, silwerjodied en silweroksied) is relatief goedaardig. Mees algemeen by mense is argyria, of 'n grysblou verkleuring van die vel met herhaalde blootstelling.