Spirou et Fantasio
Spirou et Fantasio is 'n Belgiese strokiesverhaalreeks wat ook in die tydskrif Journal de Spirou verskyn en vir die eerste keer op 21 April 1938 gepubliseer is. Die reeks het tot een van die gewildste Franko-Belgiese strokiesverhale ontwikkel wat net soos "Asterix die Galliër" of "Die avonture van Kuifie" tot een van die klassieke werke van die genre behoort. In teenstelling met die laasgenoemde word daar nog steeds nuwe avonture van Spirou en Fantasio gepubliseer.
Die hooffigure van die verhale is Spirou en Fantasio, twee verslaggewers, en hul metgesel, die eekhorinkie Spip. In hul avonture, wat 'n sterk humoristiese inslag het en genres soos wetenskapsfiksie en fantasie dek, word die hooffigure gewoonlik met misdadigers, diktatore en ander mal karakters gekonfronteer.[1]
Die reeks is in verskillende tale vertaal, waaronder Nederlands, Duits, Spaans, Katalaans, Fins, Deens, Sweeds, Noors, Serwies, Kroaties, Japannees en Viëtnamees. Slegs twee verhale, Z comme Zorglub en L'ombre du Z, het in die 1990's ook in Engels verskyn. Tans word egter weer Engelse uitgawes vir die Indiese mark uitgegee.