Swartneusrooibok

Die swartneusrooibok (Aepyceros melampus petersi) is 'n wildsbok wat in die noordweste van Namibië voorkom. Dit staan ook bekend as die swartgesigrooibok.

Swartneusrooibok
Portret van 'n swartneusrooibokram tussen Olifantsbad en Aus in die Nasionale Etoshawildtuin, Namibië
Portret van 'n swartneusrooibokooi tussen Olifantsbad en Aus in die Nasionale Etoshawildtuin, Namibië
Bewaringstatus
Kwesbaar  (IUCN 3.1)
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Orde:	Artiodactyla
Familie:	Bovidae
Subfamilie:	Aepycerotinae
Genus:	Aepyceros
Spesie:	A. melampus
Subspesie:	A. m. petersi
Trinomiale naam
Aepyceros melampus petersi Bocage, 1879
Verspreidingsgebied    Rooibok (Aepyceros melampus)    Swartneusrooibok (Aepyceros melampus petersi)

Bou en kleur

Die boksoort verskil van rooibokke omdat hulle 'n swart bles op die gesig het, die stert is ruier en langer en die lyfkleur donkerder. Hulle het ook nie die rooi skynsel van rooibokke nie.

Die kleur op die rug is dofbruin. Halfpad teen die sye af, tussen die pens en die dofbruin rug, is 'n strook ligte vaalbruin hare. Op die gesig is die kenmerkende swart bles en agter teen die boude is vertikale swart strepies. Die wange en ore is rooibruin.

Geslagsverskille

Die ramme weeg tot 63 kg en die horings is gemiddeld 46 cm lank. Die rekord is 67,31 cm. Die ooie weeg tot 50 kg en het nie horings nie. Die ooie het tussen Desember en Januarie een lammetjie na 'n dratyd van sowat 6½ maande.

Ander feite

Hulle natuurlike vyande is die jagluiperd, luiperd, leeu, wildehond en gevlekte hiëna. Die boksoort verkies ruie rivierplantegroei begrens deur oper bosveld. Hulle vorm troppies van 3 tot 20 diere wat normaalweg bestaan uit 'n ram en sy jong ooie. Ander ramme loop alleen of vorm ramtroppe. Dit word deur die IUBN geklassifiseer as 'n kwesbare spesie.

Sien ook

• Lys van Suider-Afrikaanse soogdiere volgens alfabet
• Lys van Suider-Afrikaanse soogdiere volgens wetenskaplike name
• Suider-Afrikaanse soogdiere en hul ordes

Fotogalery

• 
  Swartneusrooibokooi met haar lam in die Nasionale Etoshawildtuin, Namibië
• 
  Swartneusrooibokram tussen Olifantsbad en Aus in die Nasionale Etoshawildtuin, Namibië
• 
  Swartneusrooibokooi tussen Olifantsbad en Aus in die Nasionale Etoshawildtuin, Namibië
• 
  Swartneusrooibokooie by die Kalkheuwelboorgat in die Nasionale Etoshawildtuin, Namibië
• 
  Swartneusrooibokram in die Nasionale Etoshawildtuin, Namibië

Bron

• (af) Die Soogdiergids van Suider-Afrika. Burger Cillié. ISBN 978 1 875093 46 5. 2009

Eksterne skakels

• Wikimedia Commons het meer media in die kategorie Swartneusrooibok.

• Wikiwoordeboek het 'n inskrywing vir swartneusrooibok.

• Wikispecies het meer inligting verwant aan Swartneusrooibok