Taweret (ook gespel Taoert, Toeat, Taoeris ens.) was in die Egiptiese mitologie ’n antieke beskermingsgodin van vrugbaarheid en geboorte. Haar naam beteken "sy wat groot is".[1] Sy is gewoonlik uitgebeeld as ’n seekoei met katagtige eienskappe. Sy word soms verbind met ander soortgelyke godinne, soos Ipet, Reret en Hedjet.
Taweret
Die riviergodin Taweret, uitgebeeld as ’n seekoei en die voorpote van ’n kat. Haar hand rus op ’n sa-teken, ’n simbool van beskerming.
Dié kleibeeld van Taweret uit 623–595 v.C. is in ’n piramide in Nubië gevind (Museum van Uitbeeldende Kunste, Boston).
Hoewel Ipet in die Piramidetekste van die Ou Ryk genoem word en Taweret dikwels gesien word op rituele voorwerpe uit die Middelryk, het seekoei-godinne nie ’n belangrike rol in die mitologie gespeel tot met die Nuwe Ryk (omstreeks 1550–1069 v.C.) nie. Taweret verskyn in sommige weergawes van ’n gewilde mite waarin die Oog van Ra kwaad word vir haar pa en na Nubië terugtrek in die vorm van ’n leeuwyfie. Met die Oog van Ra se uiteindelike terugkeer na Egipte neem sy die vorm van ’n seekoei aan (vermoedelik Taweret) en veroorsaak die Nylrivier se oorstromings. Daarom word sy hoofsaaklik beskou as ’n godin van vrugbaarheid en vernuwing.
Wikimedia Commons het meer media in die kategorie Taweret.
Hierdie artikel is vertaal uit die Engelse Wikipedia
