Thomas Becket
Thomas Becket (1118–1170) was ’n Britse priester wat die aartsbiskop van Kantelberg geword het. Hy het ’n ernstige appeltjie te skil gehad met koning Hendrik II van Engeland, en dié het glo gesê: "Who will rid me of this turbulent priest?" As gevolg daarvan het van die koning se soldate Becket in 1170 in die Kantelbergse katedraal om die lewe gebring.[1]
| Thomas Becket | |
|---|---|
 Afbeelding op een van die vensterrame van die katedraal van Kantelberg. | |
| Gebore | 21 Desember ca. 1119, Cheapside, Londen |
| Sterfte | 29 Desember 1170, Kantelberg-katedraal, Londen, Engeland |
| Vereer in | Rooms-Katolieke Kerk, Anglikaanse Gemeenskap |
| Saligverklaring | 21 Februarie 1173, Sint Pieterskerk in Segni deur Pous Alexander III |
| Heiligverklaring | 21 Februarie 1173, Sint Pieterskerk in Segni deur Pous Alexander III |
| Pelgrimsoord | Kantelberg-katedraal |
| Feesdag | 29 Desember |
| Attribute | Swaard, marteling, geklee in kanselier se kleed en nek ketting |
| Beskermheilige | Exeter-kollege in Oxford, Portsmouth; Abdy van Arbroath; sekulêre geestelikes |
Lewensloop
wysig
Thomas Becket is op 21 Desember in ongeveer 1119 in Cheapside, Londen gebore. Sy pa was 'n Normandiese koopman gewees. Op 16-jarige ouderdom vertrek hy na Parys om teologie te studeer.[2]
In 1154 word hy die aartsdiaken en in 1155 kanselier van koning Hendrik II van Engeland. Gedurende die tyd ontwikkel daar 'n vriendskap tussen Becket en die koning en hy word in 1162 die aartsbiskop van Kantelberg. In 1164 onderwerp die koning die kerk aan sy mag. Becket stem aanvanklik hiertoe in, maar besluit later tot die koning se ontsteltenis daarteen.
Die koning probeer om van Becket ontslae te raak en beskuldig hom van finansiële wanpraktyke tydens sy kanselierskap. Hy word in 1164 gedagvaar, maar beroep hom op die pous. Slegs die pous kon regspraak oor 'n kardinaal lewer. Becket vlug na die vasteland, waar hy in die abdy van Pontigny aanbly. Hy het die steun van pous Alexander III geniet, maar die pous kon nie help nie, omdat hy self in 'n moeilike situasie was weens die onmin met die Duitse keiser Frederik Barbarossa en teenpous Paschalis III.
In 1170 tree pous Alexander wel op, nadat die koning sy seun deur die aartsbiskop van York laat kroon, en nie deur Thomas, die aartsbiskop van Kantelberg nie. Die pous dwing Hendrik om 'n kompromie met Becket aan te gaan, wat hom toelaat om na Engeland terug te keer. In dieselfde jaar neem vier Normandiese ridders 'n versugting van die koning letterlik op, waarna hulle Becket in die katedraal van Kantelberg vermoor. Nicolas de Camargue, 'n bode wat deur Hendrik gestuur is, daag te laat op om die drama te voorkom.
Koning Hendrik II doen op 21 Mei 1172 in Avranches boete vir die moord op Becket, en sluit hier ook die sogenaamde "Ooreenkoms van Avranches" met die kerk. In 1174 verklaar Pous Alexander III hom heilig.
Verwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ "Thomas Becket." World History: Ancient and Medieval Eras. ABC-CLIO, 2013. Web. 27 Februarie 2013.
Eksterne skakels
wysig
Wikimedia Commons het meer media in die kategorie Thomas Becket.
