Twin Peaks
Twin Peaks is ’n Amerikaanse televisiereeks wat deur Mark Frost en David Lynch geskep is. Dit gaan oor die ondersoek deur spesiale agent Dale Cooper (Kyle MacLachlan) van die FBI na die moord op Laura Palmer (Sheryl Lee). Die eerste episode is op 8 April 1990 in Amerika gebeeldsend. Nog sewe episodes is gewys en daar was ’n tweede seisoen, wat tot op 10 Junie 1991 gewys het. Die titel kom van die klein fiktiewe dorp in Washington waar dit afspeel.
| Twin Peaks | |
 Die Snoqualmie-waterval, waarnaby baie van die tonele verfilm is. | |
| Genre | Drama, misdaad, raaisel, sielkundige riller, bonatuurlike fiksie |
|---|---|
| Geskep deur | Mark Frost David Lynch |
| Met | Kyle MacLachlan Michael Ontkean Mädchen Amick e.a. |
| Openingstema | "Falling" |
| Komponis(te) | Angelo Badalamenti |
| Oorsprong | VSA |
| Taal | Engels |
| Aantal seisoene | 3 |
| Aantal episodes | 48 |
| Produksie | |
| Vervaardiger(s) | Mark Frost David Lynch |
| Produksiemaatskappy | Lynch/Frost Productions Propaganda Films Spelling Television |
| Verspreider | Republic Pictures CBS Television Distribution |
| Uitsending | |
| Oorspronklike kanaal | ABC |
Twin Peaks het een van die topreekse van 1990 geword en het internasionaal goeie resensies gekry. Dit het ’n basis van kultusaanhangers opgebou en het ’n deel van die popkultuur geword waarna in ander TV-programme, advertensies, strokieboeke, videospeletjies, rolprente en liedjies verwys is. Afnemende kykergetalle het daartoe gelei dat ABC daarop aangedring het dat die identiteit van Laura se moordenaar halfpad deur die tweede seisoen onthul word. Die reeks is in 1992 gevolg deur ’n rolprent, Twin Peaks: Fire Walk with Me, wat beide ’n voorvolg en slot vir die TV-reeks was.
Die loodsepisode was no. 25 op TV Guide se 1997-lys van 100 beste episodes van alle tye.[1] Die reeks was no. 45 op TV Guide se 50 beste TV-programme van alle tye in 2002,[2] en is ingesluit in hul 2013-lys van 60 reekse wat te gou gekanselleer is.[3] Twin Peaks was ook in 2007 een van Time se beste TV-programme van alle tye,[4] en dit het no. 49 gehaal op Entertainment Weekly se lys van nuwe klassieke TV-programme[5] en no. 12 van hul lys van die beste 25 kultus-TV-programme van die afgelope 25 jaar.[6]
Soos met die grootste deel van Lynch se werk, veral Blue Velvet, verken Twin Peaks die verskil tussen ’n klein dorpie se skyn van repektabelheid en die meer ongure lewe wat daaragter skuil. Namate die reeks vorder, word die innerlike donkerte van karakters wat aanvanklik onskuldig lyk, ontbloot, en dit blyk dat hulle dubbele lewens lei. Twin Peaks stem ooreen met Lynch se ander werk in die sin dat dit nie maklik in ’n gevestigde genre pas nie. Die verontrustende toon en bonatuurlike elemente herinner aan dié van gruwelprente. Die "kamp", melodramatiese uitbeelding van karakters vol draadwerk wat aan moreel twyfelagtige bedrywighede deelneem, weerspieël ’n bisar komiese parodie op Amerikaanse sepies.
In Oktober 2014 is aangekondig die reeks sal in 2016 vir ’n beperkte aantal episodes terugkeer (dit is later na 2017 geskuif).[7][8] Lynch en Frost het al die episodes geskryf[7] en Lynch sal die regisseur wees.[9][10] Baie van die oorspronklike akteurs, ook Kyle MacLachlan, sal weer in die reeks verskyn.[11]
Verwysings
wysig- ↑ "Special Collector's Issue: 100 Greatest Episodes of All Time". TV Guide (28 Junie – 4 Julie). 1997.
- ↑ Cosgrove-Mather, Bootie (26 April 2002). "TV Guide Names Top 50 Shows" (in Engels). CBS News. Geargiveer vanaf die oorspronklike op 2 Augustus 2002. Besoek op 30 Oktober 2007.
- ↑ Roush, Matt (3 Junie 2013). "Cancelled Too Soon". TV Guide. pp. 20 en 21
- ↑ Poniewozik, James (6 September 2007). "The 100 Best TV Shows of All-TIME". Time (in Engels). Geargiveer vanaf die oorspronklike op 11 Oktober 2014. Besoek op 4 Maart 2010.
- ↑ "The New Classics: TV". Entertainment Weekly (in Engels). 18 Junie 2007. Geargiveer vanaf die oorspronklike op 17 September 2018. Besoek op 21 Februarie 2012.
- ↑ "25 Best Cult TV Shows from the Past 25 Years." Entertainment Weekly. 3 Augustus 2012, p. 40.
- ↑ 7,0 7,1 Littleton, Cynthia (6 Oktober 2014). "Twin Peaks Revival to Air on Showtime in 2016". Variety (in Engels). Geargiveer vanaf die oorspronklike op 1 November 2019. Besoek op 6 Oktober 2014.
- ↑ Littleton, Cynthia (3 November 2015). "Leslie Moonves: Showtime's 'Twin Peaks' Sequel to Premiere in 2017". Variety (in Engels). Geargiveer vanaf die oorspronklike op 1 Junie 2020. Besoek op 3 November 2015.
- ↑ Ausiello, Michael (15 Mei 2015). "Twin Peaks Revival Back On for 'More Than' 9 Episodes as David Lynch, Showtime Resolve Stalemate" (in Engels). TVLine. Geargiveer vanaf die oorspronklike op 10 Desember 2019. Besoek op 16 Mei 2015.
- ↑ "David Lynch To Direct 18 (!) New Episodes Of Twin Peaks, Scored By Angelo Badalamenti, Shot In Washington State" (in Engels). WelcomeToTwinPeaks.com. 23 Mei 2015. Geargiveer vanaf die oorspronklike op 1 Junie 2020. Besoek op 24 Mei 2015.
- ↑ Roots, Kimberly (12 Januarie 2015). "Kyle MacLachlan Set for Twin Peaks Revival, More Original Cast Expected" (in Engels). TVLine. Geargiveer vanaf die oorspronklike op 23 Februarie 2020. Besoek op 12 Januarie 2015.
Eksterne skakels
wysig
Wikimedia Commons het meer media in die kategorie Twin Peaks.
Hierdie artikel is vertaal uit die Engelse Wikipedia- Peaks (1990–91)/ Twin Peaks op IMDbSkripfout: die module bestaan nie.
- Peaks (2017)/ Twin Peaks op IMDbSkripfout: die module bestaan nie.
