Vlag van Ekwatoriaal-Guinee

Die nasionale vlag van die Ekwatoriaal-Guinee is op 21 Augustus 1979 amptelik in gebruik geneem. Die vlag vertoon ’n blou driehoek teen die vlagpaal met drie ewe wye bane aan die wapperkant in (van bo na onder) groen, wit en rooi met die wapenskild van Ekwatoriaal-Guinee in die middel van die wit baan.

Vlag van Ekwatoriaal-Guinee

Vlag van Ekwatoriaal-Guinee
Gebruik	Nasionale vlag en vaandel
Verhouding	2:3
Goedgekeur	21 Augustus 1979
Ontwerp	’n Blou driehoek aan die vlagpaalkant met drie ewe breë bane in groen, wit en rooi aan die wapperkant met die wapenskild in die middel van die vlag.

Simboliek

Die groen stel die natuurlike hulpbronne en woude van die land voor, die blou stel die see, wat vasteland met die eilande verbind, voor, die wit stel vrede voor en die rooi stel die stryd om onafhanklikheid voor.

Ontwerp

Die vlag is vir die eerste keer op 12 Oktober 1968 gehys op die dag van onafhanklikheid, met die nasionale embleem in die middel. ’n Ander nasionale embleem is egter in 1972, gedurende die regime van Francisco Nguema, op die vlag gebruik. Die amptelike wapenskild is heringestel nadat daar van Nguema ontslae geraak is in Augustus 1979. Die wapenskild bestaan uit ’n silwer skild met ’n sy-katoenboom wat afgelei is van die wapenskild van Rio Muni. Bo die skild is ’n boog van ses sespuntige sterre wat Rio Muni en die aflandige eilande voorstel. Onder die skild is ’n silwer lint met die nasionale leuse: Unidad, Paz, Justicia (“Eenheid, Vrede, Geregtigheid”).

Ander vlae

• 
  Nasionale vlag, 1973 tot 1979
• 
  Nasionale vlag sonder die wapenskild

Eksterne skakels

• (en) Ekwatoriaal-Guinee by Flags of the World
• (en) "Flag of Equatorial Guinea". Encyclopædia Britannica. Besoek op 14 Mei 2019.

Hierdie artikel is in sy geheel of gedeeltelik vanuit die Engelse Wikipedia vertaal.