Vlag van Sierra Leone

Die nasionale vlag van Sierra Leone is op 27 April 1961 amptelik in gebruik geneem. Die vlag vertoon ’n horisontale driekleur met ewe wye bane in (van bo na onder) groen, wit en blou.

Vlag van Sierra Leone

Vlag van Sierra Leone
Gebruik	Nasionale vlag en Burgerlike- en Staatsvaandel
Verhouding	2:3
Goedgekeur	27 April 1961
Ontwerp	’n Horisontale driekleur in groen, wit en blou.
Wisselvormvlag van Sierra Leone
Gebruik	Vlootvaandel
Verhouding	2:3
Ontwerp	’n Wit vlag met die nasionale vlag in die skildhoek.

Simboliek

Die groen stel die welige plantegroei van die bergagtige gebiede en die landbou van die nasie voor, wit stel vrede en eenheid voor en blou.

Geskiedenis

Tussen 1821 en 1888 het dit deel uitgemaak van Brits-Wes-Afrika en is ’n vlag van die kolonie gebruik (’n blou Britse vaandel) met die koloniale embleem. In 1888 het Sierra Leone ’n afsonderlike kolonie geword en is ’n nuwe embleem in gebruik geneem en die vlag is daarvolgens aangepas. ’n Blou Britse vaandel met die koloniale wapen van Sierra Leone aan die wapperkant is toe amptelik gebruik. Op die koloniale wapen staan ’n olifant voor ’n palmboom en ’n groen berglandskap. Onder die olifant staan in rooi letters die voorletters van die gebied (S.L.). Gambië, Ghana (toe die Goudkus) en Nigerië (toe die Lagos-kolonie), ook voormalige Britse kolonies, het dieselfde koloniale wapen gebruik maar met hul eie voorletters daarop (G., G.C. en L. onderskeidelik). Die wapen op die vlag van 1916 tot 1961 het bo-aan ’n Union Jack bevat met die onderste deel wat in twee verdeel is. Links was ’n vrygemaakte slaaf wat op die strand gesit het met ’n skip, na bewering die H.M. brig “Miro”, in die vooruitsig; regs was ’n palmboom op goue grond. Daaronder was die leuse “Auspice Brittania Liber” (“Vry onder die beskerming van Brittanje”).

• 
  Vlag van Brits-Wes-Afrika, 1870 tot 1888
• 
  Vlag van die Britse goewerneur, 1870 tot 1888
• 
  Vlag van Sierra Leone, 1889 tot 1916
• 
  Vlag van die Goewerneur van Sierra Leone, 1889 tot 1916
• 
  Vlag van Sierra Leone, 1916 tot 1961
• 
  Vlag van die Goewerneur van Sierra Leone, 1916 tot 1961
• 
  Standaard van koningin Elizabeth van onafhanklikheid in 1961 tot republiekwording in 1971

Ander vlae

• 
  Standaard van die President van Sierra Leone
• 
  Standaard van Ambassadeurs van Sierra Leone

Eksterne skakels

• (en) Sierra Leone by Flags of the World.
• (en) "Flag of Sierra Leone". Encyclopædia Britannica. Besoek op 24 Maart 2020.

Hierdie artikel is in sy geheel of gedeeltelik vanuit die Engelse Wikipedia vertaal.