Vrydag
Vrydag is die weeksdag tussen Donderdag en Saterdag. Die naam is afkomstig van die Germaanse godin Frigg en beteken "Frigg se dag".
In meeste lande met 'n vyfdag-werksweek is Vrydag die laaste werksdag voor die naweek en word daarom na uitgesien as 'n rede vir viering of verligting. Die uitdrukking "TGIF" is 'n afkorting vir "Thank God it's Friday". Die frase is deur 'n fliek in die 1970's gewild gemaak, en is ook die inspirasie vir die restaurantgroep T.G.I. Friday's.
In Islam is Vrydag die dag van publieke aanbidding in moskees, sien Vrydaggebed. Die Islamitiese week begin wel steeds op 'n Sondag en eindig op 'n Saterdag, net soos die Joodse en Christelike week.
Die Joodse sabbat begin om sonsondergang op Vrydag en hou aan tot sonsondergang op Saterdag.
"Friday" was die naam van 'n kannibaal, wat die dienskneg van Robinson Crusoe geword het.
Cadbury het 'n sjokoladestafie bemark met die slagspreuk "Thank Crunchie it's Friday".
In baie kulture word Vrydag as rampspoedig gesien; sien Vrydag die 13de.
Eksterne skakels
wysig| Wikimedia Commons bevat media in verband met Friday. |
| Sien Vrydag in Wiktionary, die vrye woordeboek. |
- (en) Where Friday Got Its Name Geargiveer 16 Oktober 2005 op Wayback Machine
- (en) T.G.I. Friday's official website