Whoopi Goldberg
Caryn Elaine Johnson (gebore op 13 November 1955),[1] professioneel bekend as Whoopi Goldberg, is ’n Amerikaanse aktrise, komediant, skrywer, en televisieaanbieder. Sy is vir 13 Emmys benoem vir haar TV-werk en is een van die min persoonlikhede wat al ’n Emmy, Grammy, Oscar en Tony gewen het. Sy is slegs die tweede swart vrou in die geskiedenis wat ’n Oscar vir toneelspel gewen het.
| Whoopi Goldberg | |
| |
Goldberg in 2008.
| |
| Geboortenaam | Caryn Elaine Johnson |
|---|---|
| Geboorte | 13 November 1955 New York |
| Nasionaliteit | Amerikaans |
| Kinders | 4 |
| Beroep(e) | Aktrise |
| Aktiewe jare | 1982-nou |
| Internet-rolprentdatabasis-profiel | |
Naam
wysigHaar verhoognaam, Whoopi, kom van die "whoopee cushion", wat dit laat klink of iemand ’n wind laat as hy daarop gaan sit. Sy het eenkeer gesê: "As jy ’n wind voel, moet jy dit laat los." In Whoopi se woorde: "Mense het gesê ek is soos ’n whoopee cushion. En dis waar die naam vandaan kom."[2][3] Die van Goldberg het sy gekies "sodat ek ernstiger opgeneem kan word".[4]
Loopbaan
wysig
Goldberg se eerste rol was in 1981–'82 in Citizen: I'm Not Losing My Mind, I'm Giving It Away, ’n avant-garde-ensemble deur die San Francisco-rolprentmaker William Farley. Sy het The Spook Show in 1983 geskep; dit was ’n eenvrouvertoning wat uit verskillende karaktermonoloë bestaan het. Die regisseur Mike Nichols het aangebied om die vertoning na Broadway te neem. Dit is hernoem tot Whoopi Goldberg, en van 24 Oktober 1984 tot 10 Maart 1985 is altesaam 156 vertonings gehou.[5] Die toneelstuk is verfilm en dit is in 1985 uitgereik as Whoopi Goldberg: Direct from Broadway.
Die regisseur Steven Spielberg het Goldberg op Broadway gesien. Hy was op die punt om die prent The Color Purple te begin verfilm wat op ’n roman deur die Pulitzerpryswenner Alice Walker gegrond is, en het Goldberg die hoofrol aangebied. Die prent is laat in 1985 uitgereik en was ’n sukses by resensente en die publiek. Dit is vir 11 Oscars benoem, onder meer vir beste aktrise vir Goldberg.[6]
Sy was in die romantiese fantasiefliek Ghost (1990) ’n eksentrieke siener wat Patrick Swayze se karakter help om sy geliefde (Demi Moore) terug te wen. Sy het daarvoor die Oscar vir beste vroulike byspeler gewen – die eerste swart vrou in byna 50 jaar wat dit regkry, en net die tweede swart vrou in die geskiedenis (die eerste een was Hattie McDaniel vir die 1939-prent Gone with the Wind).
Haar ander prente sluit in Jumpin' Jack Flash (1986), Burglar (1987), Clara's Heart (1988), The Long Walk Home (1990), Star Trek: The Next Generation, Sister Act (1992), waarvoor sy vir ’n Golden Globe benoem is, die Suid-Afrikaanse fliek Sarafina! (1992) en Corrina, Corrina (1994). Sy was die eerste swart vrou wat ’n Oscar-toekenningsaand aangebied het (die 66ste een in 1994),[7] en die eerste vrou wat dit alleen gedoen het. Sy het dié prestasie in 1996, 1999 en 2002 herhaal.
In die 2000's het sy gespeel in Kingdom Come en Rat Race (albei 2001), Teenage Mutant Ninja Turtles (2014, in ’n kameerol) en in Chris Rock se Top Five (as haarself).
Boeke
wysigKinderboeke
wysig- Goldberg, Whoopi (2006). Whoopi's Big Book of Manners. New York: Hyperion Books for Children. ISBN 0-7868-5295-X.
- Goldberg, Whoopi (2008). Sugar Plum Ballerinas #1: Plum Fantastic. New York: Hyperion Books for Children. ISBN 1-4231-1173-7.
- Goldberg, Whoopi (2009). Sugar Plum Ballerinas #2: Toeshoe Trouble. New York: Hyperion Books for Children. ISBN 1-4231-1913-4.
- Goldberg, Whoopi (2010). Sugar Plum Ballerinas #3: Perfectly Prima. New York: Hyperion Books for Children. ISBN 1-4231-2054-X.
- Goldberg, Whoopi (Oktober 2010). Sugar Plum Ballerinas #4: Terrible Terrel. New York: Hyperion Books for Children. ISBN 1-4231-2082-5.
- Goldberg, Whoopi (Maart 2011). Sugar Plum Ballerinas #5: CATastrophe. New York: Hyperion Books for Children. ISBN 1-4231-2083-3.
- Goldberg, Whoopi (Oktober 2012). Sugar Plum Ballerinas #6: Dancing Divas. Los Angeles: Little People Books. ISBN 1-4231-2084-1.
Nie-fiksie
wysig- Goldberg, Whoopi (1992). Alice. New York: Bantam Books. ISBN 0-553-08990-0.
- Goldberg, Whoopi (1997). Book. New York: R. Weisbach Books. ISBN 0-688-15252-X.
- Goldberg, Whoopi (Oktober 2010). Is It Just Me? Or Is It Nuts Out There?. New York: Hyperion. ISBN 1-4013-2384-7.
- Goldberg, Whoopi (Oktober 2015). Whoopi's Big Book of Relationships: If Someone Says "You Complete Me," RUN!. New York: Hachette. ISBN 978-0-316-30200-5.
Verwysings
wysig- ↑ "Whoopi Goldberg". TV Guide (in Engels). Geargiveer vanaf die oorspronklike op 21 Desember 2019. Besoek op 7 Julie 2015.
- ↑ Solomon, Deborah (20 Augustus 2006). "Making Nice". The New York Times (in Engels). Geargiveer vanaf die oorspronklike op 18 Junie 2019. Besoek op 17 Mei 2008.
- ↑ "Whoopi Goldberg with Lisa Yapp". YouTube. Besoek op 3 Mei 2012.
- ↑ "How I Got The Name Whoopi Goldberg". The Huffington Post. Besoek op 10 Maart 2014.
- ↑ "Whoopi Goldberg". Internet Broadway Database (in Engels). The Broadway League. Geargiveer vanaf die oorspronklike op 24 September 2015. Besoek op 20 Junie 2015.
- ↑ "Oscar History 1986" (in Japannees). Geargiveer vanaf die oorspronklike op 25 September 2017.
- ↑ writer, Kateri Wozny, Contributing. "5 best Oscar hosts of all time" (in Engels). Geargiveer vanaf die oorspronklike op 22 Desember 2015. Besoek op 4 September 2015.
{{cite web}}: AS1-onderhoud: meer as een naam (link)