Worms

Worms is van die oudste stede in Duitsland aan die Ryn in Rynland-Palts. Die stad is bekend vir sy domkerk wat saam met die domkerke in Mainz en Speyer een van die drie Romaanse keiserdomkerke is.

Worms
Kaart	Wapen
	Vlag
Land	Duitsland
Deelstaat	Rynland-Palts
Koördinate	49°38′N 8°21′O
Oppervlakte:
- Totaal	108,73 vk km
Hoogte bo seevlak	100 m
Bevolking:
- Totaal (31 Desember 2020)	83 459
- Bevolkingsdigtheid	768/vk km
Tydsone	UTC +1 (MET)
- Somertyd	UTC +2 (MEST)
Burgemeester	Adolf Kessel (CDU)
Amptelike webwerf	www.worms.de

Domkerk van Worms

Vanaf 27 Januarie tot 26 Mei 1521 het die keiser van die Heilige Romeinse Ryk, Karel V, die Ryksdag van Worms byeengeroep. Tydens dié geleentheid het Karel V die Duitse hervormer Martin Luther gevra om sy kritiek teenoor die Rooms-Katolieke Kerk en die pous te herroep, maar nadat Luther geweier het, het die keiser met die Edik van Worms hom voëlvry verklaar. Vervolgens is die hervormer deur sy vriende op die Wartburg naby Eisenach versteek, waar hy die Bybel sou vertaal.

Worms was een van die Asjkenasiese Jode se hoofsentra in die Middeleeuse Heilige Romeinse Ryk. In 2021 is die drie SchUM-stede Mainz, Speyer en Worms (afgelei van die hoofletters van die Hebreeuse name van die drie stede Sjin (Sj, ש) vir Sjpira (שפירא, Speyer), Waw (U ו) vir Warmaisa (Worms) en Mem (M מ) vir Magenza (Mainz) deur Unesco as wêrelderfenisgebiede gelys.

Eksterne skakels

• Wikimedia Commons het meer media in die kategorie Worms.
• (en) Toerisme-inligting oor Worms op Wikivoyage
• (de) Amptelike webwerf
• (en) "Worms". Encyclopædia Britannica. Besoek op 29 Julie 2021.