Alexandria
|
Dä Artikel befasst sich mit dr ägyptische Stadt Alexandria, zue andere Bedütige lueg Alexandria (Begriffsklärung). |
Alexandria oder Alexandrie (altgriech. Ἀλεξάνδρεια, Alexándreia, noch em Alexander em Grosse; arabisiert الإسكندرية - al-Iskandariyya) isch e Hafestadt an dr Mittelmeerküste vo Ägypte und Hauptstadt vom Gouvernemänt mit em gliiche Name.
| الإسكندرية Alexandria | |||
|---|---|---|---|
| |||
| Koordinate | 31° 13′ N, 29° 56′ O | ||
| Symbole | |||
| |||
| Basisdate | |||
| Staat | Ägypten | ||
|
Gouvernement |
Al-Iskandariyya | ||
| Flechi | – | ||
| Metropolregion | 2679 km² | ||
| Iiwooner | 4.317.398 (2009) | ||
| Metropolregion | 4.545.218 (2009) | ||
| Dichti | – | ||
| Metropolregion | 1.696,6 Ew./km² | ||
| Gründig | 330 v. Chr. | ||
| Website | www.alexandriaegypt.com | ||
| Politik | |||
| Gouverneur | Adel Labib | ||
| Kultur | |||
| Partnerstedt |  Izmir, Türkei Bezirk Lichtenberg, Berlin
| ||
 Hafe vo Alexandria
| |||
Geografii und Klima
ändere
Alexandria lit knapp über em Meeresspiegel uf ere schmale Halbinsle am westlige Nilarm vom Nildelta an dr Mittelmeerküste. D Entfärnig vo Kairo isch 225 km, d Stadt Rosette (Raschīd) isch 65 km östlig. Südlig vo dr Innestadt isch dr Mareotis-See, im Norde die ehemoligi Pharos-Insle, hüte e Halbinsle und e Deil vom Festland. D Stadt lit im Gouvernemänt mit em gliiche Name und bildet e Verwaltigsgebiet vo 2679 km².[1]
An dr Küste um Alexandria befindet sich e schmale steppehafter Landstreife zwüsche mediterranem Klima und Wüesteklima. D Tämpratur schwankt im Januar vo 9 bis 19 °C und im Juli vo 22 bis 31 °C. Die Schwankige si wäge dr Nöchi zum Meer moderat. 190 mm Räge falle an wenige Däg zwüsche Oktober und April.
D Luftfüechtigkeit lit bi 60 bis 70 Brozänt. Dr Wind weiht meistens us em Norde vom Middelmeer här und isch mässig, cha aber mänggisch au sehr heftig si. Im Früehlig cha au e heisse, trochene Wüestenwind weihe, dr Chamsin, wo us em Süde dichti, gääli Wolke us Sand und Staub mitbringt.
Bevölkerig
ändereMit 4,31 Millione Iiwohner[2] in dr eigetlige Stadt isch Alexandria hüte noch Kairo die zweitgrössti Stadt in Nordafrika, mit 4,54 Millione Iiwohnern in dr Agglomeration dr viertgrösst Balligsruum in Nordafrika und zähtgrösst in ganz Afrika.[3]
Bevölkerigsentwicklig:
| Johr | Iiwohner (Stadt) |
|---|---|
| 1976 (Zensus) | 2.318.655 |
| 1986 (Zensus) | 2.917.327 |
| 1996 (Zensus) | 3.328.196 |
| 2006 (Zensus) | 4.110.015 |
| 2008 (Berächnig) | 4.247.414 |
| 2009 (Berächnig) | 4.317.398 |
Fuessnote
ändere- ↑ Der Brockhaus (Multimedia 2006)
- ↑ bevoelkerungsstatistik.de zur Stadt Alexandria (Stand:2009). Archiviert vom Original am 30. Oktober 2012; abgruefen am 15. März 2011.
- ↑ bevoelkerungsstatistik.de zur Agglomeration Alexandria (2009). Archiviert vom Original am 30. Oktober 2012; abgruefen am 15. März 2011.