Ban Ki-moon

Ban Ki-moon (koreanisch: 반기문; * 13. Juni 1944 ds Eumseong, Südkorea) isch a südkoreanische Diplomat und Politikr. Er isch vu 2004 bis 2006 Usseminister vu Südkorea gsi und sit am 1. Jänner 2007 bis 2016 dr achti Generalsekretär vu de Vereinti Natione gsi.

As Portrait vum Ban

Biografy

Wie dr Ban selber gseit hett, isch sini Entscheidig, en Diplomat werde z’welle, scho 1962 gfalle, won’er uf dr Chungju High School bi’nem Englisch Wettbewerb e Reis nach Washington D. C. und nem Treffe mit’m damalige Präsident vu de Vereinigte Staate John F. Kennedy gwunna hett. Studiert hett dr Ban a dr Soul National University und hett 1970 dr Bachelor-Grad in International Relations (internationali Zämmearbeit) übercho. Sini diplomatischi Karriera hett er während dr Militärdiktatur vu Park Chung-hee ahgfange, und hett si während’m Präsident vu Korea Chun Doo-hwan (1980 bis 1988) witergfüehrt, wo wie dr Park dur en Militärputsch a d’Macht choo isch.

Ab 1972 ah hett dr Ban im Uusland dienstet, zersch ds Neu-Delhi. Zersch isch er nacher bi de United Nations Division tätig gsi, drno hett er ds New York als erschti Sekretär bi de ständige Beobachtigsmission vu Südkorea bi de Vereinte Natione gschaffet. Im November 1980 het er dr Poschte vum Direktor vu de United Nations Division übercho. Sin Master-Degree hett er im Johr 1985 in Public Administration vu dr John F. Kennedy School of Government (Harvard University) übercho. 1987 und 1992 hett er dr Poschte in dr Botschaft in Washington D. C. übernoh; drzwüschet ischer Generaldirektor vu de südkoreanische Büros für Amerikaahglegeheite gsi.

1995 ischer zwei Mol als stellvertretendi Minischter für Policy Planning and International Organizations vorgschlage worda. 1996 ischer Sekretär vum südkoreanische Präsidenta für Üsseri- und Staatssicherheitsahglegeheite, 2000 drzue no Vizeusseminischter worda. Ab em Februar 2003 hett dr Ban als ussepolitischr Berater vum Präsidenta Roh Moo-hyun gschaffet und hett dr Yoon Young-kwan als Handels- und Usseminischter abglöst.

Ban isch dr südkoreanischen Nordpolitik beteiligt gsi, woner 1992 als Vizevorsitzendr vu de South-North Joint Nuclear Control Commission dienschtet hett. Won’er 1992 isch er Botschafter in Öschtriich gsi isch, hett me ihn zum Vorsitzendi vu de Organisation vum Vertrag über ds Verbot vu Nuklearversüech gwählt

Ban mit Condoleezza Rice

Im Januar 2004 isch Ban Usseminischter vu Südkorea gsi. Im September 2005 hett er e wichtigi Roll bi de sogenannte Sechs-Parteie-Gspröch weg de Nuklearkriis in Nordkorea gspillt. Im Januar 2006 hett ihn sini Regierig als Kandidat für d Wahl zum neue Generalsekretär vu de Vereinti Natione nominiert; druff hi isch er am 13. Oktober 2006 vu de Vollversammlig vu de Vereinti Natione gwählt worda. Am 1. November 2006 ischer vum südkoreanische Minischteramt zruggtretta und hett mit dr Vereidig am 14. Dezember 2006 dr Kofi Annan als neue UN-Generalsekretär ersetzt.

Weblink

 Commons: Ban Ki-moon – Sammlig vo Multimediadateie

• D’Offiziell Website vum Ban Ki-moon uf dr Website vu de Vereinte Natione

Fuessnote

Dä Artikel basiert uff ere fräie Übersetzig vum Artikel „Ban_Ki-moon“ vu de dütsche Wikipedia. E Liste vu de Autore un Versione isch do z finde.