Grafiker
Dr Begriff Graphiker (vo griechisch γραφική [τέχνη], grafikí [téchni], d Kunst vom Schriibe, Zäichne, Moole) wird in dr Aagwandte Kunst wie au in dr Bildende Kunst brucht. Während mä e Grafiker, wo vor Allem mit Middel vo dr künstlerische Grafik vo Hand schafft (Handzäichnig, Radierig, Holzschnitt etc.) und sini Wärk eender in relativ chliine Uflaage (vilmol äinzeln handsigniert und nummeriert) oder as Unikat erschiine, mäistens zur Bildenden Kunst zelt, zelt mä Grafiker, wo vor allem mit em Kompiuter Text- und Bildmaterial in Kombinazioon verarbäite und iiri Wärk mäistens kommerzielli Zwäck häi und in verheltnismässig groosse Uflaage erschiine, eender zur Gebruuchskunst, dr so genannte Aagwandte Kunst. Im Zuug vo dr mediale Entwicklig und vo dr Uswitig vom Kunst-Begriff sit em Ändi vom 20. Joorhundert si d Üübergäng zwüsche de bäide Grafiker-Gruppe fliessend.
