Fillggau
Fillggau (amtlich Illgau) isch e politischi Gmeind im Bezirk Schwyz vum Kanton Schwyz i de Schwyz.
| Illgau | |
|---|---|
 | |
| Basisdate | |
| Staat: | Schwiiz |
| Kanton: | Schwyz (SZ) |
| Bezirk: | Schwyz |
| BFS-Nr.: | 1363 |
| Poschtleitzahl: | 6434 |
| UN/LOCODE: | CH ILG |
| Koordinate: | 697834 / 204880 |
| Höchi: | 807 m ü. M. |
| Flächi: | 10.9 km² |
| Iiwohner: | 815 (31. Dezämber 2022)[1] |
| Website: | www.illgau.ch |
 Fillggau | |
| Charte | |
 | |
Geographi
ändereFillggau lit in dr zentralschwiizerische Voralpen, zwischen em Muotatal un dr Ibergeregg. Si Topographi zeigt zum grosse Teil uf Süde und Südweschte hi. Sällewäg wirbt Illgau im Tourismus mit em Binamme «Sunneterrass». D Falleflueh, d Sterneegg, dr Spyrstock im Hoch-Ybrig-Gebit und dr Hessisbohler Firscht mit em Hochweidgütsch as eme Uslaifer bilde im Rund d Gmarkigsgrenze. Gege s Muotatal hi sin die jähe Flüeh vu dr Sulzmatte bis zue dr Falleflueh ani rächt markant. Über sälli Bergkante stürzt sich dr «Bettbach» - dr Illgauer Dorfbach - un dr «Mettelbach», wo vum Hintere Oberberg her s Tal abigoht un in d Muota fliesst.
Dr maximal Höheunterschid uf dr Gmarkig vum tiefschte Gmeipunkt i dr Region Dorf bis zum höchschte Gmeipunkt, em Huusmätteli uf em Hessisbohlerfirscht isch fascht gnau 1000 Meter.
D Gmarkig wird iteilt i s Dorf, dr Vorder Oberberg - gege d Ibergeregg na - dr Hinter Oberberg - gege s Hoch Ybrig hi - un s ubewohnt Gebit vu dr Riiter un Alpe. Nachbergemeinte sin Muotathal im Süde, Schwyz im Weschte und Norde, sowie Oberiberg im Nordoschte.
Vu de Gmeindflechi sind 62,0 % landwirtschaftlichi Flechi, 31,1 % Wald, 2,9 % Sidligsflechi u 4,0 % suschtigi Flechi.[2]
Gschicht
ändereFillggau isch zum eerschte Maal gnennt worde im Jaar 1370 als Ilgoe.
Iiwoner
ändereQuälle: Bundesamt für Statistik 2005[3]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iiwoner | 246 | 244 | 277 | 245 | 253 | 270 | 319 | 343 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iiwoner | 362 | 368 | 390 | 440 | 478 | 514 | 633 | 721 |
De Uusländeraateil isch 2010 bi 1,3 % gläge.[2]
Religion
ändere96,8 % vu de Iiwoner sind im Jaar 2000 römisch-katholisch gsii, 0,3 % evangelisch-reformiert.[2]
Spraach u Tieläkt
ändereBi de Volchszellig 2000 hend vu de 721 Iiwoner 99,2 % Tüütsch als Hauptspraach aaggää u 0,8 % anderi Spraache.[2]
De Tieläkt vu Fillggau ghöört zum Höuchschtalemannisch.
Weblink
ändere
Commons: Fillggau – Sammlig vo Multimediadateie- Offiziälli Homepage vu de Gmeind
- Erwin Horat: Illgau. In: Historisches Lexikon vo dr Schwiiz.
Fuessnote
ändere- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ 2,0 2,1 2,2 2,3 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
