Knaabe- und Mäitlimuusig Baasel 1841

47.560357.5931

Knaabe- und Mäitlimuusig Baasel 1841

Allgmeini Informatione
Genre	Jugendmuusig, Bloosmuusig, Tambuure
Gründig	1841
Website	Knaben- und Mädchenmusik Basel Die Musikschule für Blas- und Schlaginstrumenet seit 1841
Aktuelli Bsetzig
21 Drummler, öbbe 20 Harmoniimitgliider
Musikalischi Läitig Orchester	Diana Bauchinger (sit 2014)
Musikalischi Läitig Tambuure	Urs Gehrig (sit 2007)
Bresidänt	Beat Ochsner

Dialäkt: Baseldütsch

D Knaabe- und Mäitlimuusig Baasel 1841, bis 2012 d Knaabemuusig Baasel 1841 (KMB), isch die eltisti Jugendmuusigveräinigung im Kanton Baasel-Stadt. D Veräinigung und iiri Muusigschuel si an dr Utegass 13 im Chläibaasel dehäi, grad näbenem Dschääscampus Baasel. D Schuel underrichdet vor allem Juugendligi, organisiert aber au Kürs für Erwaggsnigi.

Gschicht

D Knaabemuusig Baasel 1841 (KMB) isch im Joor 1841 gründet worde. 1990 het d Generalversammlig beschlosse, ass au Mäitli bi dr KMB döfe leere und bim musiziere mitmache. 2012 het d Muusigschuel vom Muusigverband vo de bäide Baasel mit dr Muusigschuel vo dr Knaabemuusig fusioniert. Im gliiche Joor het d Generalversammlig beschlosse, dr Naame zu Knaabe- und Mäitlimuusig Baasel 1841 z ändere.

Orchester und Ansambel

D KMB förderet d Usbildig vo Jugendlige zu Blööser für d Harmoniibsetzig und stellt für das Ansämbel und en Orchester uf.

Tambuure

D KMB bildet au jungi Tambuure us. Sit em 13. Merz 2010 isch si Mitgliid vom Zentralschwizerische Tambuure- und Pfiferverband (ZTPV). Si macht immer wider an Wettspiil mit und het bedütendi Erfolg chönne fiire, wie zum Bischbil am Zentralschwizerische Jungtambuure und -pfiferfest vom ZTPV z Erlinsbach 2013 mit Rang 1 in de Kategorie S2 und S3.

Weblingg

• Offizielli Website
• D KMB spiilt Muusig zum Panzerkreuzer Potemkin

Fuessnoote

Dä Artikel basiert uff ere fräie Übersetzig vu dere Version vum Artikel „Knabenmusik_Basel_1841“ vu de dütsche Wikipedia. E Liste vu de Autore un Versione isch do z finde.