Peter Theophil Bühler
Dr Peter Theophil Bühler (* 27. Jänner 1841 z Igis; † 29. Jänner 1913 z Chur), isch e Landwirtschafts- und Vrcheerspolitiker usem Bündnerland gsi.
s Läbe
ändereDr Peter Theophil Bühler isch dr Soon vom Pfaarer Christian Bühler gsi. Er het d Kantonsschuel z Chur und s Pädagogium z Basel psuecht und drno a dr Uni Basel und z Heidelbärg d Rächtswüsseschaft studiert.
Nach em Studium het dr Bühler als Advokat und Grosspuur z Fiderisch gläbt. Er het d Margreth Greutert us däm Dorf ghürootet.
Politik
ändereÄr isch bi dr liberaale Partei und vo 1873 mit churze Underbrüüch bis 1895 im Bündner Grosse Root gsi. Sibemol het er dä als Standespresidänt gleitet.
Zwüschedure isch dr Bühler vo 1878 bis 1879 und den wider 1894 bis 1900 im Chlyne Root vom Kanton Graubünde gsi, und vo 1883 bis 1902 isch er au Nationalroot gsi.
Derzue het er als Kantonsrichter g’amptet, er het vo 1902 a als Sekretäär vo dr SBB z Sanggalle gschaffet, und er isch au Presidänt vom Schwiizerischen Alpwirtschaftliche Veräin worde.
Literatur
ändere- Peter Metz: Geschichte des Kantons Graubünden. Band 2: 1848–1914. Calven-Verlag, Chur 1989, ISBN 3-9052-6102-2, S. 412.
Weblink
ändere- Jürg Simonett: Peter Theophil Bühler In: Historisches Lexikon vo dr Schwiiz.