Prytaneion

E Prytaneion (altgriech. πρυτανεῖον) isch dr Sitz vo de Prytane (πρυτάνεις prytaneis) gsi, wo in vile antike griechische Stedt (Poleis) d Regierigsgschäft gfüert häi. D Prytane si die füerende Verdräter vo dr Bule (Rootsversammlig) gsi. S Prytaneion isch am ene zentrale Blatz in dr Stadt gstande, mäistens in dr Nööchi vo dr Agora. Im Prytaneion het s häilige Füür vo dr Hestia brennt, wo d Göttin vom hüüslige Härd gsi isch.

E Mööli im Prytaneion isch e bsundrigi Eer gsi, wo mä für usserordentligi Verdienst überchoo het. Hützudags wurd mä für so öbbis Eerebürger wärde.

Lueg au

S Prytaneion vo Athen

Litratuur

Stephen G. Miller: The Prytaneion. Its Function and Architectural Form. University Press, Berkeley, Calif. 1978, ISBN 0-520-03316-7.